Anatol Bujalski: Baskietbalistak ledź nie abvinavacili ŭ rvactvie
Hałoŭny trenier žanočaj zbornaj Biełarusi pa baskietbole raźličvaje na vyrašeńnie prablem kamandy.
12.11.2010 / 10:52
Hałoŭny trenier žanočaj zbornaj Biełarusi pa baskietbole Anatol Bujalski raźličvaje na vyrašeńnie prablem kamandy.
«Z aptymizmam hladžu ŭ budučyniu. Mety va ŭsich vyznačanyja, jany adnolkavyja. Treba znajści kansiensus niejki. Usie dumajuć pravilna: treba stvaryć umovy, zabiaśpiečyć — tut roznahałośsiaŭ niama. A jak heta budzie vyrašacca, mnie ciažka skazać», — zajaviŭ Bujalski pa zakančeńni pasiadžeńnia vykankama Biełaruskaj fiederacyi baskietboła, jakoje prajšło 11 listapada.
U toj ža čas, padkreśliŭ Bujalski, «pakul havaryć niama čaho». «Kali budzie zroblena pieršaje dziejańnie niejkaje, tady možna pra štości havaryć. Pakul heta chvali, piena», — ličyć trenier.
Bujalski zajaviŭ, što paśla adkrytaha lista ab prablemach zbornaj baskietbalistak
«ledź nie abvinavacili ŭžo ŭ irvactvie i jašče niejkich momantach, što jany za hrošy radzimu pradaduć».
«Mnie nie padabajecca, što ŭ abchod mianie telefanujuć dziaŭčatam, razmaŭlajuć ź imi. U nas uzajemaadnosiny ŭnutry kamand nastolki tryvałyja, što ich razburyć vielmi składana. Hety list napisany nie z majoj padačy», — padkreśliŭ hałoŭny trenier.
«Mnie patrebien adzin hałoŭny adkazny, da jakoha ja moh by pryjści, pastavić pytańnie i syści, — skazaŭ Bujalski. — Raniej ja prychodziŭ da samoha staršyni i havaryŭ. Jon jak moh, jak umieŭ, tak i rabiŭ.
Ciapier situacyja paŭstała takaja, što nie było da kaho pryjści i pastavić pytańnie».
«Kali jość siarod kiraŭnikoŭ fiederacyi čałaviek, jaki za heta adkazvaje, heta dobra. Kab jon mieŭ abaviazki i, samaje hałoŭnaje, mahčymaści, prava hołasu. U nas zakrytyja ŭsie punkty, ale čałaviečy faktar pieraškadžaje ŭsiamu», — padkreśliŭ trenier.
Na pasiadžeńni vykankama Bujalski zajaviŭ, što paśla lista baskietbalistak jaho vyklikali ŭ Minsportu «da namieśnika i ministra i vyśviatlali, čyj pinžak čyściejšy — fiederacyi ci ministerstva». «Bomba vybuchnuła, usie patuzalisia i supakoilisia. Vyklikali abmiarkoŭvać artykuł u „Priessbole“, list, ale nie pryčyny», — dadaŭ Bujalski.
Staršynia BFB i Vyšejšaha haspadarčaha suda Viktar Kamiankoŭ ličyć nieabchodnym vyznačyć, «što takoje zbornaja i chto za što adkazvaje». «Kali vostraje što — dyk fiederacyja, a pra Minsportu ni słova, ni ad žurnalistaŭ ad ministerstva, ni ad niezaležnych», — skazaŭ Kamiankoŭ i adznačyŭ, što BFB i jon sam nie źbirajucca paźbiahać adkaznaści.
«Staruju tradycyju, što ministerstva dzielić tolki miedali, a niepryjemnaści pierakładajucca na fiederacyju, treba spyniać», — zajaviŭ Kamiankoŭ. Jon maje namier pastavić pytańnie ab tym, kab hrošy na baskietboł ź Minsportu pastupali ŭ BFB, a nie raźmiarkoŭvalisia pa reštkavym pryncypie.
Anatol Bujalski adznačyŭ taksama, što «byli turniry, na jakich baskietbalistki marnavali tolki svaje hrošy». Spartsmieny atrymlivajuć zarpłatu i prezidenckuju stypiendyju, adnak «dva hady chvaroby Kres i dźvie apieracyi Snycinaj u Hiermanii nijakaja stypiendyja nie pakryje». «Heta mahilnyja hrošy», — zajaviŭ Bujalski.