Sport

«Sibir» biełarusa Kryvušenki pakidaje rasijskuju premjer-lihu

Ihar Kryvušenka, sovsport.ru

Novasibirskaja «Sibir», jakuju ŭznačalvaje biełaruski śpiecyjalist Ihar Kryvušenka, pakidaje prem'jer-lihu čempijanatu Rasii pa futbole. U matčy 28-ha tura sibiraki zhulali ŭničyju z maskoŭskim «Łakamatyvam» (1:1), i za dva tury da kanca čempijanatu kamanda Ihara Kryvušenki pazbaviła siabie šancaŭ zachavać prapisku ŭ elitnym dyvizijonie.

Paśla 28 matčaŭ «Sibir» nabrała 19 punktaŭ i zajmaje apošniaje miesca ŭ turnirnaj tablicy. Pa 26 bałaŭ majuć «Amkar» i «Ałanija».

Nahadajem, što hodam raniej biełaruski śpiecyjalist vyvieŭ «Sibir» u prem'jer-lihu. Adnak zatrymacca ŭ joj kamandzie nie atrymałasia, i naleta novasibircy znoŭku vystupiać u pieršym dyvizijonie.

***

Ihar Kryvušenka ŭznačaliŭ «Sibir» ŭ śniežni 2008 hoda. Da prychodu biełaruskaha treniera «Sibir» zajmała ŭ pieršym dyvizijonie tolki 14-je miesca.

Z 2005 pa 2007 hod Kryvušenka uznačalvaŭ barysaŭski BATE, dvojčy pryvioŭšy jaho da tytułu čempijona Biełarusi (2006, 2007). Ź listapada 2007 hoda pa vierasień 2008-ha Kryvušenka byŭ hałoŭnym trenieram minskaha «Dynama».

Kamientary da artykuła