Мядзведзеў: Пра беларускага прэзідэнта я ўжо ўсё сказаў
Расійскі прэзідэнт адказаў на пытанне беларускага карыстальніка ў «Твітэры» наконт выбараў.
25.11.2010 / 11:07
Прэзідэнт Расіі Дзмітрый Мядзведзеў 25 лістапада на сваёй старонцы ў «Твітэры» адказаў на пытанне карыстальніка dashystik: «Як вы ставіцеся да прэзідэнта нашага і выбараў? Для нас, беларусаў, вельмі цікава гэта пытанне».
«Да вашых выбараў стаўлюся максімальна паважліва. А пра вашага прэзідэнта я ўжо ўсё сказаў»,
— напісаў Мядзведзеў і паставіў спасылку на запіс у сваім відэаблогу ад 3 кастрычніка «Бессэнсоўная паласа напружання ў адносінах з Беларуссю абавязкова скончыцца», дзе Аляксандр Лукашэнка жорстка раскрытыкаваны.