Мітрапаліт Мінскі і Слуцкі Філарэт знаходзіцца з візітам у Ізраілі
25.11.2010 / 13:39
Мітрапаліт Мінскі і Слуцкі патрыяршы экзарх усяе Беларусі Філарэт знаходзіцца з візітам у Ізраілі, паведамляе афіцыйны партал Беларускай праваслаўнай царквы.
24 лістапада Філарэт сустрэўся з найсвяцейшым патрыярхам святога горада Іерусаліма і ўсяе Палесціны Феафілам III. На малітоўную памяць ад БПЦ Філарэт перадаў Феафілу III абраз Збавіцеля і святую панагію. У памяць аб сустрэчы і наведванні Іерусаліма Феафіл III таксама ўручыў Філарэту святую панагію.
Затым кіраўнік БПЦ здзейсніў пакланенне Гробу Гасподню.