Łukašenka ŭziaŭsia za bienzapiły
26.11.2010 / 16:41
U Biełarusi ŭ nastupnym hodzie pavinna być stvorana vytvorčaść bienzapił. Takoje daručeńnie kiraŭnik dziaržavy Alaksandr Łukašenka daŭ siońnia, naviedvajučy SEZ «Minsk».
«Z ulikam taho, što ŭ Biełarusi pravodziacca vialikija ab’iomy lesanarychtovak, nieabchodna padumać ab vytvorčaści bienzapił u krainie», — skazaŭ jon. Ciapier na biełaruskim rynku prysutničajuć tolki impartnyja bienzapiły, u pryvatnaści, japonskaj, šviedskaj, hiermanskaj vytvorčaści.
«I takich tavaraŭ, jakija my ŭ vialikich ab’iomach kuplajem za miažoj, niamała», — adznačyŭ Alaksandr Łukašenka. Na iaho dumku, u Biełarusi nieabchodna stvarać bolš impartazamiaščalnych vytvorčaściej.