Niaklajeŭ, Sańnikaŭ i Volski na ORT
Telekanał ORT u niadzielnaj analityčnaj prahramie «Čas» znoŭ pakazaŭ siužet pra Biełaruś. Jaho znoŭ vyrazali.
13.12.2010 / 10:15
Telekanał ORT u niadzielnaj analityčnaj prahramie «Čas» znoŭ pakazaŭ siužet pra Biełaruś. Jaho znoŭ vyrazali. Prapanujem jaho tekst.
U Biełarusi praz tydzień projduć vybary prezidenta — pieradvybarnaja baraćba dziesiaci kandydataŭ ad apazicyi ź dziejučym kiraŭnikom Łukašenki prachodzić u napružanaj i navat časam kamičnaj abstanoŭcy.
Adzin kuplet — apazicyjaniera, druhoha — na łamanaj rasiejskaj ad imia viernaha łukašysta. Kali słuchać pieśni Lavona Volskaha, biełaruskich haziet možna ŭvohule nie čytać. Jość prypieŭki i pra Vieniesuełu, dakładniej, pra tankier, jaki viazie naftu dla Łukašenki.
Ale na hetym tydni Lavon Volski śpiavaje pra debaty kandydataŭ na Biełaruskim telebačańni, kudy Łukašenka admoviŭsia pryjści.
Pieradvybarčyja debaty na biełaruskaj TB prachodzili ŭpieršyniu z 1994 hoda. 16 hadoŭ tamu na ich vystupaŭ małady kandydat Łukašenka. Ale ŭ hety dzień jon vyrašyŭ nie adkazvać na pytańni apanientaŭ, a vystupać solna na Usiebiełaruskim schodzie.
Alaksandr Łukašenka: «My viedajem, što rabić, i my heta budziem rabić u novaj piacihodcy!»
Narodny schod — niešta nakštałt źjezda KPSS, dzie abmiarkoŭvajuć piacihodku. Łukašenka zapłanavaŭ spravy na 5 hadoŭ napierad i zahadzia skazaŭ, što ŭłada nie addaść! Jak byccam i niama nijakich vybaraŭ!.
Rolik drennaha jakaści, dzie małaviadomyja muzyki śpiavajuć pra niejkaha «Saniu», źjaviŭsia ŭ Internecie: «Mama prasiła, astańsia s nami, papa prasiŭ, astańsia z nami, Sania, astańsia z nami…». Spačatku heta pryniali za žart. Ale ź biełaruskaha Ministerstva infarmacyi pastupiła rasparadžeńnie na ŭsie radyjostancyi: stavić pieśniu ŭ efir jak minimum 7 raz u dzień.
Aŭtary «Sani» biez usialakaj admysłovaj raskrutki stali papularnyja. Dziaržaŭnaje telebačańnie za niekalki tydniaŭ vypuściła klip «Sania». A muzyki pracujuć nad novym albomam. Pra kachańnie.
5 hadoŭ tamu, napiaredadni minułych vybaraŭ, biełaruski ansambl «Siabry» vykanaŭ ahitacyjny chit «Baćka», pierasiahnuć jaki, zdavałasia, niemahčyma: «Ładno sšit i kriepko słožien, on płochomu nie naučit, baťka vsiech postroiť možiet, baťka vsiech druhich pokručie».
Ale ciapier taki ahitacyi zdałosia mała. Na hetym tydni ŭ efiry źjaviłasia pieśnia «Naš prezident»: «V myślach i trudach,
Lavon Volski, muzyka: «Jakiści chor dzietak pry MUS śpiavaje. Tam usio jość, usio! I toje, što pryabniaŭ vieterana, i toje, što manumient! I sałdaty strojem iduć. Tak śpiecyjalna nie napišaš!»
Zamacavaŭ padrychtoŭku pierad vybarami kancert
Siła mastactva na biełaruskaha piensijaniera Ivana Fiodaraviča zrabiła ŭražańnie.
Ivan Minakoŭ, piensijanier: «Tolki za prezidenta Alaksandra Ryhoraviča Łukašenki. Tolki!»
Ivan Fiodaravič horda nazyvaje siabie łukašystam. Jon pojdzie hałasavać za svajho baćku ŭ čaćviorty raz zapar. I arhumient jaho prosty.
Ivan Minakov: «Jon bližejšy za ŭsich da naroda, bližejša za ŭsich. Jon u poli, jon na zavodzie, jon na fabrycy, jon usiudy, dzie ludzi pracujuć».
Karcinku, dzie Łukašenka ŭ poli, na zavodzie abo prymaje parad, mantažuje režysior Biełaruskaha telebačańnia Jaŭhien Šapčyc. Na kadrach Alaksandr Ryhoravič abyhryvaje u tenis pieramožcu «Vialikaha šlem» biełarusku Viktoryju Azaranku.
Nu, a paśla pracy Jaŭhien Šapčycy mantažuje inšaje videa: pra toje, jak u zvyčajnuju mienskuju kvateru zazirnuli zborščyki podpisaŭ, a ŭnuk schavaŭ babulin pašpart.
Na toj ža kuchni, dzie zdymałasia karotkamietražka pra babulu, režysior Šapčycy raspaviadaje, jak jaho zvolnili. I ni ab čym nie škaduje.
Jaŭhien Šapčyc, režysior: «Niekatoryja kazali: darma ty heta zrabiŭ, siadzieŭ by spakojna, pracavaŭ narmalna. Ale narmalna — nie jość dobra».
Ci paŭpłyvała mastactva na biełaruskuju palityku — składana skazać. 10 kandydataŭ. Ich možna padzialić na dva łahiery: 9 suprać Łukašenki i adzin, ułasna, jon sam.
Uładzimir Niaklajeŭ, kandydat u prezidenty Biełarusi: «Pryznańnie vybaraŭ prezidenckich aznačaje pryznańnie ŭłady Łukašenki jašče na 15 hadoŭ».
Apazicyjny kandydat Uładzimir Niaklajeŭ pakinuŭ studyju, a na nastupny dzień pastaviŭ trybunu ŭ centry Mienska, nasuprać Administracyi prezidenta. Jak by zaprašajučy Łukašenku vyjści.
Uładzimir Niaklajeŭ: «Vybary falsifikujuć, nie pryznajem hetyja vybary. Druhoje, čaho patrabuje płošča — novyja vybary biez udziełu Łukašenki. Usio zrazumieła ŭsim!»
Na płoščy, dzie roŭna praz tydzień biełaruskaja apazicyja źbirajecca čakać vynikaŭ vybaraŭ, užo pastavili jełku i pačali zalivać koŭzanku. Kandydaty pravodziać u Miensku mitynhi — tak zvanyja repietycyi «Płoščy».
Łukašenka ž adrepieciravali 5 hadoŭ tamu. Namiotavy haradok na minułych vybarach razahnali dubinkami.
Na sustrečach z vybarščykami kožnamu kandydatu zadajuć hetaje pytańnie: «My staim dzień, staim dva… Što dalej?»
Kankretnaha adkazu nie moža dać nichto. Kažuć, što płan na 19 śniežnia jość, ale jaho pakul nie chočuć vydavać.
Andrej Sańnikaŭ, kandydat u prezidenty Biełarusi: «My žyviom pry dyktatury. Jak tolki my zahadzia abjaŭlajem pra našych płanach, jana pasprabuje ich razburyć. Hałoŭnaje, kab jak maha bolš ludziej uziało ŭdzieł u našaj kampanii «.
Sakretny płan apazicyi nie źviazany sa šturmam Administracyi Łukašenki. Kažuć, što heta moža być nacyjanalnaja zabastoŭka. Ale dziejańni apazicyi buduć bolš rašučymi tolki ŭ tym vypadku, kali na płošču vyjduć dziasiatki tysiač čałaviek.
Lavon Volski, muzyka: «Voś byŭ apytańnie ŭ Internecie, ja čytaŭ, što takoje demakratyja? Akazałasia, što bolšaść nie viedajuć adkazu. Ja, voś, u škole vučyŭ, što demakratyja — heta dva słovy hreckich — ułada naroda».
Biełaruskija vybary — usio roŭna što antyčny teatr. U Staražytnaj Hrecyi na scenu vychodziŭ čałaviek i raspaviadaŭ źmiest, ale i dziejučyja asoby, i hledačy ŭ zale pavodzili siabie tak, jak byccam nie viedajuć, čym skončycca. Adnak roźnica pamiž staražytnymi hrekami i sučasnymi biełarusami