Milicyja pierachodzić na ŭzmocnieny varyjant niasieńnia słužby

13.12.2010 / 11:06

U suviazi z praviadzieńniem vybaraŭ prezidenta z 13 śniežnia milicyja i ŭnutranyja vojski pieraviedzienyja na ŭzmocnieny varyjant niasieńnia słužby.

Jak paviedamlałasia raniej, orhany ŭnutranych spraŭ majuć namier nadavać asablivuju ŭvahu efiektyŭnamu i svoječasovamu reahavańniu na apieratyŭnuju abstanoŭku, a taksama akazańniu sadziejničańnia vybarčym kamisijam u ich pracy. Na roznych uzroŭniach upraŭleńnia stvarajucca kruhłasutačnyja situacyjna-apieratyŭnyja štaby, uzmacniajucca śledča-apieratyŭnyja hrupy.

Načalnikam HUUS Minharvykankama, UUS abłaściej i na transparcie daručana zabiaśpiečyć achovu pravaparadku pry praviadzieńni kandydatami ŭ prezidenty sustreč z vybarščykami. Z času atrymańnia biuleteniaŭ kamisijami pa vybarach budzie arhanizavana ich kruhłasutačnaja achova, a paśla padliku hałasoŭ — biaśpiečnaja pieravozka. Dastaŭka biuleteniaŭ na ŭčastki płanujecca 13 śniežnia, za dzień da pačatku daterminovaha hałasavańnia.

Milicyjaj užo abśledavany ŭsie miescy raźmiaščeńnia ŭčastkaŭ dla hałasavańnia na pradmiet ich hatoŭnaści da zabieśpiačeńnia hramadskaj biaśpieki i zachavanaści dakumientacyi.

Uzmacnieńnie budzie dziejničać pa 21 śniežnia.