Z učastka dla hałasavańnia ŭ Homieli vydalili niezaležnaha naziralnika
14.12.2010 / 13:40
Z učastka dla hałasavańnia № 22 u Centralnym rajonie Homiela vydalili niezaležnaha naziralnika Uładzimira Anfiłava.
Jak paviedamiŭ staršynia abłasnoj arhanizacyi AHP, adzin z kaardynataraŭ hramadzianskaj kampanii «Za spraviadlivyja vybary» Vasil Palakoŭ, naziralnika vydalili za toje, što jon sfatahrafavaŭ piačatku na skryni dla daterminovaha hałasavańnia. Pavodle słoŭ Palakova, staršynia ŭčastkovaj kamisii, prarektar HDU imia F.Skaryny Siarhiej Chanienia zajaviŭ naziralniku, što fatahrafavać možna tolki z dazvołu ŭčastkovaj kamisii. Adchileńnie ad nazirańnia Anfiłaŭ źbirajecca abskardzić. Učastak № 22 raźmieščany ŭ korpusie HDU imia F.Skaryny.
Hramadzianskaja kampanija «Za spraviadlivyja vybary» arhanizavała nazirańnie ŭ Homielskaj vobłaści na 39 učastkach, na jakich pracujuć 160 naziralnikaŭ, u Homieli ad kampanii pracujuć 68 naziralnikaŭ na 17 učastkach.