U Kišyniovie budzie niadzielnaja biełaruskaja škoła
14.12.2010 / 15:45
Sa studzienia 2011 hoda ŭ Kišyniovie pačnie pracavać niadzielnaja škoła pa vyvučeńniu biełaruskaj movy, kultury i historyi Biełarusi.
Pra heta paviedamiŭ staršynia Rady Biełaruskaj supołki ŭ Respublicy Małdova Jury Statkievič.
Arhanizacyjnaja praca pa adkrycci škoły viałasia uvieś 2010 hod.
«Na pasiadženni Rady supołki 6 śniežnia 2010 hoda padvialisia vyniki hetaj pracy, zaćvierdzili vykładčykaŭ: Vajniarovič (Mazur) Hannu i Kuchaluk Kaciarynu. Płanujecca, što ŭ škole buduć navučacca 15–20 vučniaŭ. Heta buduć školniki sa starejšych kłasaŭ, ale taksama buduć prachodzić zaniatki i dla darosłych. U škole płanujecca znajomić słuchačou i z narodnymi tradycyjami, i kulturnymi zdabatkami Biełarusi. U śniežni vyrašym kančatkova pytanni nakont pamiaškańnia, dzie buduć prachodzić zaniatki i zaćvierdzim prahramy zaniatkaŭ», — raspavioŭ Jury Statkievič.
U Małdovie pražyvaje kala 20 tys. vychadcaŭ ź Biełarusi, bolš za pałovu — u Prydniastroŭi