Ci budziecie vy na Płoščy?
Apytańnie viadomych ludziej.
19.12.2010 / 00:27
Lavon Volski, śpiavak: Ja pajdu na Płošču. 19 śniežnia budu ceły dzień siadzieć na ŭčastku ŭ jakaści naziralnika. Heta mianie natchnić jašče bolš.
Franc Siŭko, piśmieńnik: Ja nie źbirajusia. Žyvu ŭ Viciebsku, prychvareŭ. Dy i pracuju pry kaściole, a akurat pačynajecca adkazny pieryjad pierad Kaladami.
Jan Maŭzier, muzyka: Viadoma. Niešta źmianić možna tolki akcyjami pratestu. Mnie padabajecca, što kandydataŭ šmat. Jašče adzin faktar — raźvićcio internetu. Skroź bačnyja zaprašeńni na Płošču, pryčym ich raspaŭsiudžvajuć nie štaby, a prostyja ludzi.
Uładzimir Arłoŭ, piśmieńnik: U dačynieńni da mianie takoje pytańnie hučyć rytaryčna. Viadoma, pajdu.
Viačasłaŭ Kiebič, były premjer-ministr: Masavych pratestaŭ u tym vyhladzie, jak pra heta maryć apazicyja, u Biełarusi nie budzie.
Sapraŭdnaja «Płošča» ŭ biełaruskaj historyi była tolki adnojčy: u pačatku 90-ch, kali adpuścili ceny. Ciapier dla takich masavych akcyj pratestu niama sacyjalna-ekanamičnych pieradumoŭ.
Žanna Litvina, kiraŭnica Biełaruskaj asacyjacyi žurnalistaŭ: Na Płoščy ja budu, pobač z kalehami. Na žal, sioleta niama adzinaha kandydata, adzinaj alternatyvy. Ale prajava ŭłasnaj hramadzianskaj pazicyi — heta važna.