Jarmošyna: Prezidenckija vybary adbylisia

19.12.2010 / 15:40

Ź vialikaj dolaj upeŭnienaści možna kazać, što prezidenckija vybary ŭ Biełarusi ŭžo adbylisia, zajaviła na pres-kanfierencyi staršynia Centrvybarkama Lidzija Jarmošyna.

«Na 12 hadzin prahałasavała bolš za 46%, tamu nieabchodnuju płanku ŭ 50% prahałasavałych vybarščykaŭ, jakaja nieabchodnaja kab vybary adbylisia, užo pavinna być pieraadolenaja», — skazała jana.

Pa słovach Jarmošynaj, ciapier u Centrvybarkam pastupajuć novyja dadzienyja ab pracencie prahałasavałych vybarščykaŭ, jakija buduć nazvany prykładna paśla 15-j.

Pa stanie na 12.00 prahałasavała 46,3% vybarščykaŭ: u Bresckaj vobłaści — 46,1%, Viciebskaj — 56,8%, Homielskaj — 47,4%, Hrodzienskaj — 44,5%, Minskaj — 47,5%, Mahiloŭskaj — 48,3%, u Minsku — 37%.

BiełaPAN