Партыі, якія правакавалі беспарадкі, могуць быць ліквідаваныя
Заявіў міністр юстыцыі Віктар Галаванаў.
21.12.2010 / 12:50
Мінюст Беларусі не выключае забароны партый, якія правакавалі беспарадкі ў Менску 19 сьнежня.
«Калі партыя ці грамадскае аб’яднанне прымалі рашэнне аб удзеле ў масавых беспарадках, то мы будзем ставіць пытанне аб іх ліквідацыі, — сказаў міністр юстыцыі Віктар Галаванаў.- Мы будзем разбірацца з улікам інфармацыі праваахоўных органаў».
У Беларусі зарэгістраваныя 15 палітычных партый.
Некаторыя кандыдаты ў прэзідэнты Беларусі, якія ўдзельнічалі ў масавых акцыях пратэсту пасьля прэзыдэнцкіх выбараў 19 сьнежня, вылучаліся партыямі.