Orhany apieki pryjšli pa syna Sańnikava i Chalip

abnoŭlena

Babula i dziadula nie addali chłopčyka. Načalnica adździeła adukacyi: I dumki niama jaho zabirać, bo jość baba i dzied.

24.12.2010 / 14:34

Pra heta NN paviedamiŭ Uładzimir Chalip. «Siońnia z žonkaj stajali la izalatara KDB, kab pieradać pasyłki. Čarhu spynili zadoŭha da nas. Ludzi pačali buntavać.

Raptam razdaŭsia telefonny zvanok ź dziciačaha sadka, što da Daniły pryjšli z orhanaŭ apieki», — paviedamlaje U.Chalip.

Andrej Sańnikaŭ z žonkaj i synam. Fota "Narodnaj Voli".

Jahonaja žonka adrazu kinułasia da sadka, a sam Chalip zastaŭsia čakać mahčymaści zrabić pieradaču.

Trochhadovy syn kandydata ŭ prezidenty Andreja Sańnikava i žurnalistki Iryny Chalip chodzić u dziciačy sadok u rajonie pražyvańnia baćkoŭ.

Maci Iryny Chalip, babula Daniły, Lucyna mieła razmovu z pradstaŭnikami orhanaŭ apieki nakont dalejšaha losu ŭnuka.

Andrej Sańnikaŭ i Iryna Chalip znachodziacca ŭ śledčym izalatary KDB. Pakul baćki ŭ niavoli małoje znachodziłasia ŭ babuli i dziaduli.

U vyniku razmovy Lucyna Chalip napisała zajavu nad apieku nad chłopčykam. Praŭda, jaje papałochali, što hety praces vielmi doŭhi i marudny.

Sp-va Chalipaŭ pakul nie źbirajucca adpuskać dzicia ŭ sad: «Bolš Danik u sadok nie pojdzie».

Lucyna Chalip padkreśliła, što rabotnicy orhanaŭ apieki byli vyklučna karektnymi. U razmovie z žurnalistami pradstaŭniki Partyzanskaha adździeła adukacyi abvierhli čutki, što jany chacieli zabrać chłopčyka z sadka.

«Ničoha takoha», — zajaviła Luboŭ Dziejchina. Dziejchina padkreśliła, što ŭ chłopčyka jość baba i dzied, jakija mohuć im zajmacca.

Ź jaje słovaŭ, orhany apieki abaviazany prosta znajści svajakoŭ dziciaci i pierakanacca, što tyja buduć im zajmacca.