Людзі гродзенскаму спецназу: пакайцеся!
дапоўнена
26.12.2010 / 20:33
Кіраўніцтва палка ППСМ УУС і калегі ўрачыста, з аркестрам сустрэлі спецназаўцаў ў Гродне. Усе гэтыя дні байцы ПМСН працавалі ў сталіцы, ахоўвалі Дом ўрада падчас штурму і акцыі пратэсту. У асноўным усе вярнуліся цэлымі, некалькі супрацоўнікаў атрымалі лёгкія цялесныя пашкоджанні.
Начальнік УУС Гродзенскага аблвыканкама палкоўнік міліцыі Міхневіч падзякаваў ўсяму асабоваму складу гродзенскай міліцыі за высокія прафесійныя дзеянні ў перыяд падрыхтоўкі і правядзення выбараў прэзідэнта Рэспублікі Беларусь.
* * *
Пазней гэты артыкул знялі з сайта міліцэйскай газеты. Гэта здарылася пасля таго як наведнікі сайта пакінулі пад тэкстам некалькі дзясяткаў каментароў негатыўнага характару на адрас гродзенскіх спецназаўцаў.