Насту Лойку дапыталі, зноў выклікалі ў КДБ Уладзіміра Хільмановіча
05.01.2011 / 09:19
Праваабаронца Наста Лойка 4 студзеня дапытаная ў КДБ у якасці сведкі аб падзеях 19 снежня ў Мінску.
Як паведамляюць праваабаронцы, паколькі дзяўчына дала падпіску аб неразгалошванні, падрабязнасці допыту яна паведаміць не можа. Паводле слоў Лойкі, большасць пытанняў датычылася яе ранейшай актыўнасці ў міжнароднай маладзёжнай арганізацыі «Малады фронт».
Нагадаем, у прыватным доме Лойкі сёння супрацоўнікамі КДБ быў праведзены ператрус.
Таксама стала вядома,
што гродзенскага праваабаронцу і журналіста Уладзіміра Хільмановіча ў аўторак зноў выклікалі ў мясцовае аддзяленне КДБ
у якасці сведкі аб падзеях 19 снежня ў Мінску (28 снежня Хільмановіча дапыталі ў КДБ па гэтых жа падзеях). Праваабаронца сказаў следчаму, каб яму даслалі афіцыйную позву. Супрацоўнік КДБ паабяцаў, што позва будзе дасланая на бліжэйшы чацвер.