U Ńju-Jorku rychtujucca źnieści chmaračos, častkova razburany padčas teraktu ŭ 2001 hodzie

10.01.2011 / 14:44

Ułady Ńju-Jorka abviaścili pra znos 41-paviarchovaha budynka Deutsche Bank, raźmieščanaha ŭ niepasrednaj blizkaści ad miesca padzieńnia viežaŭ Suśvietnaha handlovaha centra 11 vieraśnia 2001 hoda.

Padčas teraktu hmach značna paciarpieŭ, adnak na praciahu dziesiaci hadoŭ nijakija adnaŭlenčyja pracy nie vialisia.

Jak pišuć miascovyja ŚMI, «usie hetyja hady budynak zachoŭvaŭ u sabie atrutny pył, raźviejany vybuchami, i pareštki zahinułych»; adznačajecca, što mnohija žychary Manchetena padtrymlivajuć płany pa znosie viežy.

Prapanovy pa demantažy byli ahučanyja jašče ŭ 2005 hodzie, kali adna ź dziaržstruktur vykupiła hety budynak. Adnak kančatkovaje rašeńnie pryniata tolki ciapier. Jak paviedamiła dziaržaŭnaja budaŭničaja kampanija The Lower Manhattan Development Corp., demantaž budzie zrobleny na praciahu tydnia-dvuch. Košt rabot aceńvajecca ŭ $300 młn.