Zatrymali za toje, što paśmichaŭsia z Łukašenki
Andreja Filipčyka zatrymali, bo jon paśmichaŭsia, hledziačy na ekran, dzie tranślavałasia inaŭhuracyja.
22.01.2011 / 15:38
Zatrymanyja ŭčora viečaram na Kastryčnickaj płoščy Minska adpuščany biez składańnia pratakołaŭ.Jak paviedamlałasia raniej, akcyja pravodziłasia ŭ znak salidarnaści z zatrymanymi 19 śniežnia,
a taksama ŭ znak pratestu suprać inaŭhuracyi Alaksandra Łukašenka, jakaja prajšła ŭ toj dzień u Pałacy Respubliki. Prysutnyja vystavili na tratuary śviečki ŭ formie ličby 19. Praz 20 chvilin pryjechaŭ aŭtobus sa śpiecnazam. Niekatorych udzielnikaŭ akcyi pahruzili ŭ aŭtobus i pavieźli.
Pavodle źviestak pravaabaroncaŭ, byli zatrymanyja vosiem čałaviek, u tym liku hramadzianin Ukrainy. Usich ich dastavili ŭ RUUS Centralnaha rajona Minska, adkul praź niekalki hadzin adpuścili biez składańnia pratakołaŭ.
Pry hetym pałova zatrymanych praviali ŭ RUUS bolš jak try hadziny, praduhledžanyja dla takich vypadkaŭ
Pravaabaroncy taksama ŭkazvajuć na hrubyja pavodziny supracoŭnikaŭ śpiecnaza, jakija padčas zatrymańnia vykarystoŭvali fizičnuju siłu i źnievažali ŭdzielnikaŭ akcyi.
Stała viadoma i ab previentyŭnych zatrymańniach na Kastryčnickaj płoščy 21 studzienia. Tak, pavodle infarmacyi pravaabaroncaŭ, kala 13.00 byŭ zatrymany Andrej Filipčyk.
Jaho «vina» zaklučałasia ŭ tym, što jon paśmichaŭsia, hledziačy na ŭstanoŭleny na płoščy vialiki ekran, dzie tranślavałasia inaŭhuracyja Łukašenki.
Sud Centralnaha rajona Minska aštrafavaŭ Filipčyka na 15 bazavych vieličyniaŭ.
Niedzie ŭ 17.00 na Kastryčnickaj płoščy byŭ taksama previentyŭna zatrymany aktyvist inicyjatyvy «HiejBiełaruś» Siarhiej Pradzied. Jaho pratrymali va ŭčastku milicyi čatyry hadziny i adpuścili.