Поп-зорку пасадзілі за выраб порна

01.02.2011 / 11:02

Зорку інданезійскай поп-музыкі ў панядзелак прысудзілі да турэмнага зняволення за выраб порнафільмаў, якія выклікалі грамадскі пратэст і шматлікія дыскусіі аб маралі, калі стужкі пратачыліся ў інтэрнэт у мінулым годзе.

29-гадовы Назрыль Ірхам, саліст папулярнага гурту Peterpan, больш вядомы сярод прыхільнікаў і сяброў як Арыэль, быў асуджаны на тры з паловай гады турэмнага зняволення і аштрафаваны на $28 тыс. за здымкі разам з дзвюма сяброўкамі-акторкамі і выкладанне ў інтэрнэт хатняга відэа парнаграфічнага зместу, якое зрабіліся даступным для інтэрнэт-карыстальнікаў па ўсёй Інданезіі, дзе пражывае найбольшая па колькасці мусульманская супольнасць у свеце.

Хаця Ірхам сцвярджаў, што не выкладаў відэа, якое было скрадзенае з ягонага кампутара, суд Бандунга, сталіцы Заходняй Явы, прызнаў аргументы абвінавачання грунтоўнымі і заявіў, што спявак не прыняў дастатковых мераў, каб перадухіліць крадзеж і спыніць распаўсюджанне ролікаў, якія парушаюць строгі закон аб барацьбе з парнаграфіяй, што ўступіў у краіне ў сілу тры гады таму.

У 2010 годзе сеў у турму галоўны рэдактар часопіса Playboy Indonesia, асуджаны на два гады турмы за публікацыю здымкаў напаўаголеных жанчын.