Арыштаванаму ў Мінску расіяніну адмовілі ў змяненні меры стрымання
01.02.2011 / 15:59
Праваахоўныя ворганы адмовілі ў змене меры стрымання грамадзяніну Расіі Арцёму Брэусу, арыштаванаму па крымінальнай справе аб «масавых беспарадках» у Мінску пасля прэзідэнцкіх выбараў, паведаміў афіцыйны прадстаўнік амбасады Расіі Вадзім Гусеў са спасылкай на адваката.
«Пасольства Расіі з расчараваннем ўспрыняла атрыманую ад адваката інфармацыю. Брэус зараз знаходзіцца ў следчым ізалятары», — сказаў Гусеў.