Anarchistam za padpały pahražaje da 12 hadoŭ źniavoleńnia
Zatrymanym za ataku na rasijskuju ambasadu ŭ Minsku anarchistam vystaŭlenaje abvinavačvańnie ŭ jašče čatyroch padpałach.
07.02.2011 / 13:01
Siarod ich — Ihar Alinievič, Mikałaj Dziadok, Maksim Vietkin, Alaksandr Franckievič, Jaŭhien Silivončyk i Dźmitryj Duboŭski (apošni, jakoha nazyvajuć «idejnym natchnialnikam», znachodzicca ŭ vyšuku).
Jak adznačaje «Ježiednievnik», u ich dziejańniach nie było nijakich palityčnych matyvaŭ,
chłopcam prosta padabałasia padpalvać.
Pieršapačatkova ŭ adnosinach padpalščykaŭ była raspačataja kryminalnaja sprava pa padazreńni ŭ ździajśnieńni imi chulihanstva. Adnak pa vynikach rasśledavańnia abvinavačvańnie pierakvalifikavali ŭ «naŭmysnaje źniščeńnie albo paškodžańnie majomaści, ździejśnienaje ahulnaniebiaśpiečnym sposabam arhanizavanaj hrupaj».
Anarchistam pahražaje pakarańnie da 12 hadoŭ pazbaŭleńnia voli.