Unikalnaje vydańnie ab Radziviłach pradstavić Biełaruś na Vilenskim knižnym kirmašy

17.02.2011 / 15:03

Lepšyja ŭzory sučasnaha knihadrukavańnia Biełarusi — mastackija, daviedačnyja, vučebnyja vydańni, dziciačyja knihi — buduć pradstaŭleny na XII Vilenskim knižnym kirmašy, jaki adkryvajecca siońnia.

Biełaruskuju ekspazicyju adkryjuć načalnik upraŭleńnia vydavieckaj dziejnaści i knižnaha handlu Ministerstva infarmacyi Alena Paŭłava i pasoł Biełarusi ŭ Litvie Uładzimir Dražyn.

Na biełaruskim stendzie adbudziecca adrazu niekalki prezientacyj unikalnych vydańniaŭ. Adno ź ich — 522-staronkavy falijant «Radziviły. Albom partretaŭ. XVIII–XIX ctahodździ» vydaviectva «Biełaruskaja encykłapiedyja imia P.Broŭki». Kniha, vydadzienaja tyražom usiaho 2 tys. ekzemplaraŭ, źmiaščaje hienieałohiju Radziviłaŭ, histaryčnyja kamientaryi, bijahrafii i partrety (repradukcyi hraviur i malunkaŭ) 165 pradstaŭnikoŭ mahnackaha rodu, u tym liku 104 žančyn. Bijahrafii kniazioŭ uklučajuć infarmacyju ab baćkach, dzieciach, žonkach, datach i miescach naradžeńnia, chryščeńnia i śmierci, a taksama ab tvorčaści taho ci inšaha piersanaža.

Adbudziecca taksama prezientacyja padarunkavaha vydańnia knihi Uładzimira Karatkieviča «Dzikaje palavańnie Karala Stacha», vypuščanaha da 80-hodździa piśmieńnika. Kniha z unikalnym hrafičnym dyzajnam vydadziena na čatyroch movach: biełaruskaj, ruskaj, ukrainskaj i anhlijskaj.

Z maleńkimi naviedvalnikami vystaŭki sustrenucca biełaruskija piśmieńniki R.Baravikova i A.Masła, jany praviaduć aŭtarskuju hadzinu dla dziaciej.

Biełaruś na vystaŭcy buduć pradstaŭlać Ministerstva infarmacyi, vydaviectvy «Biełaruś», «Biełaruskaja encykłapiedyja imia P.Broŭki», «Vyšejšaja škoła», «Mastackaja litaratura», «Narodnaja aśvieta», «Avierseŭ», «Litaratura i mastactva», vydaviecki dom «Biełaruskaja navuka» i inšyja, a taksama «Biełkniha», «Knižny dom» i inšyja handlovyja arhanizacyi.

CHII Vilniuski knižny kirmaš, jaki budzie pracavać da 20 lutaha, źbiare ŭ litoŭskaj stalicy 220 udzielnikaŭ (vydaviectvy, navukova-daśledčyja ŭstanovy, roznyja arhanizacyi i pradaŭcoŭ knih) z 9 krain śvietu: Litvy, Biełarusi, Rasii, Polščy, Hiermanii, Aŭstryi, Šviejcaryi, Čechii i Indyi.-0-