Puścić «Łakamatyŭ» pad adchon

«Ład» pakaža chakiej u žyvym efiry.

22.02.2011 / 23:30

U sieradu, 23 lutaha, startuje plej-of Kantynientalnaj chakiejnaj lihi, u jakim upieršyniu voźmie ŭdzieł minskaje «Dynama»*.

U 1/8 finału (abo čverćfinał Zachodniaj kanfierencyi) dynamaŭcy syjducca ź lidaram Zachada jarasłaŭskim «Łakamatyvam». 23 i 24 lutaha kamandy zhulajuć u Jarasłaŭli (horadzie, dzie, naprykład, prajšło dziacinstva i junactva Maksima Bahdanoviča), 26 i 27 lutaha — u Minsku (dzie paet naradziŭsia).

Kiraŭnictva telekanała «Ład» pryniała rašeńnie pakazvać hulni ŭ žyvym efiry.

23 lutaha tranślacyja pačniecca a 16-j (u Rasii sierada — vychadny dzień), 24 lutaha — a 18-j pavodle minskaha času, paviedamlaje aficyjny sajt biełaruskaha kłuba.

26 i 27 lutaha (subota i niadziela) — tranślacyi z «Minsk-Areny» pačnucca a 17-j.

Bilety na chakiej u Minsku kaštujuć ad 15 da 110 tys.

Sieryja idzie da čatyroch pieramoh. Tamu, kali lik nie budzie 4:0 na karyść adnoj z kamandaŭ, piataja hulnia projdzie ŭ Jarasłaŭli (1 sakavika), šostaja — u Minsku (3 sakavika), siomaja — u Jarasłaŭli (6 sakavika).

***

Čempijanat KCHŁ (i Kubak Haharyna) pravodzicca treci raz. Dvojčy minskaje «Dynama» nie mahło prabicca ŭ plej-of.