Hrodzienskija ksiandzy adpravilisia na čempijanat Jeŭropy pa mini-futbole siarod śviataroŭ

23.02.2011 / 12:44

Mižnarodnyja spabornictvy pa mini-futbole siarod duchavienstva prachodziać z 21 pa 25 lutaha ŭ polskim horadzie Kielcy.

Heta piaty pa liku čempijanat Jeŭropy siarod śviataroŭ, na jaho sabralisia kamandy z 11 krain śvietu, u tym liku Aŭstryi, Ispanii, Słavienii, Ukrainy i inš. Biełaruskija ksiandzy da hetaha nie ŭdzielničali ŭ takich mierapryjemstvach. Pieršaja ich hulnia zapłanavana z kamandaj śviataroŭ z Charvatyi.

Akramia trenirovak i spartyŭnych spabornictvaŭ u čas čempijanatu śviatary prymajuć udzieł u sumiesnych bohasłužeńniach, hutarać, molacca.

Jak prakamientavali hetuju padzieju ŭ Hrodzienskaj dyjacezii, sport važny ŭ žyćci kožnaha čałavieka, a śviatara — tym bolš. Hrodzienskija śviatary rychtavalisia da turniru, trenirujučysia ź miascovymi kamandami duchavienstva