Kanstytucyjny sud acenić adpaviednaść Karty palaka normam mižnarodnaha prava

Heta inicyjatyva deputataŭ pałaty pradstaŭnikoŭ.

23.02.2011 / 14:19

23 lutaha deputaty pałaty pradstaŭnikoŭ na pazačarhovaj siesii majuć razhledzieć inicyjatyvu svaich kaleh ź mižnarodnaj kamisii. Tyja prapanujuć źviarnucca ŭ Kanstytucyjny sud dla taho, kab vyznačyć adpaviednaść polskaha zakonu «Pra kartu palaka» ahulnapryznanym pryncypam i normam mižnarodnaha prava.

Takaja inicyjatyva ŭźnikła 22 lutaha u kamisii Pałaty pradstaŭnikoŭ pa mižnarodnych spravach i suviaziach z SND.

«Ale pakul biez kamientaroŭ. Budzie ŭ nas 23-ha pasiedžańnie plenarnaje, tam usio i stanie viadomym», — skazała siabroŭka kamisii Valancina Lavonienka.

Parlamient Polščy pryniaŭ zakon pra «kartu palaka» ŭ 2007 hodzie, a dziejničać jon pačaŭ u 2008-m. «Karta» pacviardžaje prynaležnaść etničnych palakaŭ, jakija žyvuć u SND i Prybałtycy, da polskaha narodu i daje im palohki ŭ afarmleńni vizaŭ u Polšču, harantuje padtrymku pry viadzieńni biznesu, pracaŭładkavańni i pastupleńni na vučobu ŭ Polščy.

Ułady Biełarusi, jak i Litvy, krytykavali praktyku raspaŭsiudu «kartaŭ palaka». Na ich dumku, heta stvaraje peŭnyja niebiaśpieki, z ulikam najaŭnaści zastarełych ranaŭ u adnosinach Polščy j Biełarusi, Polščy j Litvy.
Prablema jašče i ŭ tym, što ekanamična Biełaruś słabiejšaja i nie moža prapanavać ułasnym suajčyńnikam za miažoj čahości suvymiernaha.