Pasadzili i chto pryznaŭ, i chto nie pryznaŭ. Atroščankavu — 4 hady turmy
abnaŭlajecca
Noviku — 3.5, Małčanavu — 3 hady pazbaŭleńnia voli. U sudzie Frunzienskaha rajona Minska prajšoŭ čarhovy sud nad abvinavačanych u «masavych biesparadkach», u tym liku pres-sakratarom Sańnikava.
02.03.2011 / 11:09
Noviku — 3.5, Małčanavu — 3 hady pazbaŭleńnia voli. U sudzie Frunzienskaha rajona Minska prajšoŭ čarhovy sud nad abvinavačanych u «masavych biesparadkach», u tym liku pres-sakratarom Sańnikava.
Alaksandr Atroščankaŭ, fota Julii Daraškievič.
Alaksandr Małčanaŭ, fota Julii Daraškievič.
Źmicier Novik, fota Julii Daraškievič.
18:38
Alaksandr Atroščankaŭ asudžany na 4 hady kałonii ŭzmocnienaha režymu, Źmicier Novik -- na 3,5, Alaksandr Małčanaŭ -- na try hady pazbaŭleńnia voli ŭ kałonii ŭzmocnienaha režymu.
15.40
Pierapynak da 17.45. Čakajecca, što paśla pierapynku buduć abvieščanyja vyraki.
15:35
Atroščankaŭ skazaŭ, što za čas śledstva tak i nie zrazumieŭ, u čym jaho złačynstva. «Ja nie zrabiŭ ničoha z taho, u čym mianie abvinavačvajuć, nie nanosiŭ udaraŭ.
Ja pryznaju, što maje dziejańni mohuć padpadać tolki pad administratyŭnuju adkaznaść»,
— skazaŭ Atroščankaŭ. Jon dadaŭ, što nijakaha supracivu milicyi nie akazvaŭ.
15:34
Novik skazaŭ, što sudom ustanoŭlena, što jon nie rabiŭ nijakich razbureńniaŭ.
Jon skazaŭ, što padčas znachodžańnia ŭ SIZA jon uśviadomiŭ svoj prastupak i hłyboka raskajaŭsia.
«Turemny termin mianie nijak nie vypravić», — skazaŭ Novik. «Nijakaj škody trecim asobam ja nie zrabiŭ. prašu pryznačyć maksimalna miakkaje pakarańnie».
15.30
Małčanaŭ vystupaje z apošnim słovam. Jon kaža,
što škaduje ab svaich niepradumanych učynkach, što jaho dziejańni spravakavali žorstki razhon ludziej.
15:27
Pavodle advakata, niezrazumieła, na čym budujecca tezis ab uzhodnienaści i zmovie padsudnych. Jany ŭpieršyniu ŭbačylisia ŭ sudzie. Jany na Płoščy znachodzilisia ŭ roznych miescach, nie sustrakalisia pierad hetymi padziejami.
Atroščankaŭ patłumačyŭ metu svajho znachodžańnia na mitynhu. Jon žadaŭ pačuć dumki hramadzianaŭ ab vybarach prezidenta. Aprača taho, jon jak žurnalist supracoŭničaŭ z
Pavodle advakata, śledčy materyjał tolki paćviardžaje prynaležnaść Atroščankava da apazicyi, nie bolš. Niezrazumieła, što hetym chacieła davieści śledstva.
Pavodle advakata, na kadrach videazapisaŭ bačna, što Atroščankaŭ znachodzicca ŭ natoŭpie i naziraje za padziejami. Toje, što napisali abvinavaŭcy na jahony adras, u jahonych dziejańniach nie fiksujecca.
15.26
Advakat Atroščankava Vadzim Mušynski taksama nie pahadziŭsia z acenkami abvinavačvańnia nakont kvalifikacyi dziejańniaŭ 19 śniežnia jak masavych biesparadkaŭ.
Advakat Atroščankava kaža, što jaho padabaronnamu inkryminujecca nie mienš za adzin udar pa ščytach u dźviarnym prajomie Doma ŭrada. Paśla daśledavańnia materyjałaŭ spravy, abvinavačańnie nie znajšło paćviardžeńnia hetamu ŭ zale suda.
15.26
Advakat paprasiŭ apraŭdać Novika pa
15:12
Advakat Novika kaža, što jaho padabaronny nie nanosiŭ udaraŭ, a tolki cisnuŭ na zaharodku, i tamu nielha jahonyja dziejańni kvalifikavać jak udary i jak źniščeńnie majomaści. Majomaść možna było adramantavać. Nie pryviedziena nivodnaha dokazu, što była zbroja ŭ
15.10
Pavodle advakata, bačna było ź videa, što ludzi dziejničali na mitynhu arhanizavana, byli vystupy, šeście, nie było niekiravanaj masy. Tamu nielha kazać, što byli prykmiety masavych biesparadkaŭ i heta nie znajšło paćviardžeńnia ŭ sudzie. Nidzie nie ŭkazana, što źniščyŭ asabista Novik. Dźviery ŭžo byli razburanyja, pra razbureńnie stałoŭ aktaŭ niama. Tamu hetaja prykmieta pavinna być vyklučana. Akt ahladu miesca zdareńnia paćviardžaje, što dźviery i vokny padlahajuć adnaŭleńniu i nie byli źniščanyja. Tamu nielha kazać, što było źniščeńnie majomaści. Tamu i niama takoha składu złačynstva.
15:06
Advakat Novika ličyć, što padčas suda nie była dakazana vina padabaronnaha ŭ ciažkim złačynstvie — masavych biesparadkach. Nie było źniščeńnia majomaści — tamu nielha kvalifikavać jaho dziejańni pa 293-m artykule. Treba ŭstanavić, ci byli masavyja biesparadki?
Advakat Mušynski miarkuje, što heta nie byli masavyja biesparadki, bo hetyja dziejańni mieli łakalny charaktar. «Mitynh prachodziŭ mirna, nijakaj ahresii jahonyja ŭdzielniki nie ŭčyniali. Nievialikaja hrupa asob — ad 7 da 15 — raźbiła šyby. Bili tolki 5 čałaviek, a astatnija bolš za 10 tysiač čałaviek ničoha nie paškodzili, nie było nijakich biasčynstvaŭ i masavych biesparadkaŭ.
Pryčym dziejańni nievialikaj hrupy mieli stychijny charaktar i ich metaj było nie źniščyć majomaść, a praniknuć u Dom urada. Pavodle advakata, padziei 19 śniežnia možna padzialić na 2 etapy. Na
15.05
Advakat Małčanava kaža, što jaje padabaronny pryznaŭ vinu ŭ svaich dziejańniach, ale ličyć, što hetyja dziejańni kvalifikavanyja niapravilna. Advakat Małčanava kaža, što ŭ dziejańniach Małčanava nie było źniavahi ściaha. Što da masavych biesparadkaŭ, to hvałtu nad asobami, padpałaŭ, razbureńniaŭ i ŭzbrojenaha supracivu, jakija praduhledžvajucca artykułam pra masavyja biesparadki, Małčanaŭ nie ŭčyniaŭ.
Pavodle advakata, zmovy nie było, toje, što Małčanaŭ byŭ pjany, nie dakazana. Akt miedyčnaha abśledavańnia ŭ materyjałach spravy adsutničaje, tamu treba vyklučyć akaličnaść, jakaja abciažarvaje.
Małčanaŭ źjaviŭsia z pavinnaj, pryznaŭ svaju vinu, supracoŭničaŭ sa śledstvam, raskajvajecca, maje dvaich niepracazdolnych baćkoŭ. Advakat Małčanava spadziajecca na humanny prysud.
15.00
Pačaŭsia vystup advakataŭ.
14.59
Dziaržaŭny abvinavaŭca kaža, što Atroščankaŭ adciaśniaŭ supracoŭnikaŭ DAI na praśpiekcie, pry hetym na jahonym tvary była uśmieška. Videa Taćciany Haŭrylčyk śviedčyć pra toje, što na praśpiekcie byli masavyja biesparadki, apahiej jakich byŭ na płoščy Niezaležnaści.
Dziejańni padsudnych pa artykule 293 kvalifikavanyja pravilna, jak i abvinavačvańnie Małčanava ŭ źniavazie dziaržaŭnaha ściaha. Dziaržaŭny abvinavaŭca całkam padtrymała ŭ sudzie abvinavačańnie.
U dziejańniach Małčanava jana znajšła recydyŭ, bo ŭ jaho adna niepahašanaja sudzimaść. Dziaržaŭny abvinavaŭca śćviardžaje, što padsudnyja dziejničali pa zmovie hrupy asobaŭ.
Dziaržaŭny abvinavaŭca paprasiła Małčanavu za źniavahu ściaha 3 miesiacy aryštu, ale, vykarystoŭvajučy pryncyp pahłynańnia bolš miakkaha pakarańnia bolš strohim, u vyniku paprasiła 5 hadoŭ źniavoleńnia ŭ kałonii strohaha režymu.
14.53
Abvinavačvańnie prosić pa piać hadoŭ Małčanavu, Noviku i Atroščankavu.
14.37
Sud skončyŭ daśledavańnie materyjałaŭ spray. Adzin z advakataŭ paprasiŭ pierapynak dla padrychtoŭki, ale sudździa Taciana Čarkas nie pahadziłasia. Sud pierachodzić da debataŭ bakoŭ. Pieršaj vystupaje dziaržaŭny abvinavaŭca Maładcova.
14.28
Druhoje i treciaje videa taksama, pavodle sudździ, pryśviečanaje dziejańniam Małčanava. Małčanaŭ nie apaznaŭ siabie i na hetych videazapisach.
14.12
Praciahvajecca demanstracyja videazapisaŭ z kameraŭ vonkavaha nazirańnia budynku KDB. Zapisy biez huku, bačnyja drobnyja fihurki. Małčanaŭ siabie apaznać nie moža, ale nie vyklučaje, što heta jon.
14.05
Pačaŭsia prahlad jašče troch videadyskaŭ. Na pieršym — dziejańni Małčanava sa ściaham.
13.50
Sudovy praces adnaŭlajecca. Padsudnych pryvodziać u kajdankach i sadžajuć u metaličnuju kletku. Ich achoŭvajuć 4 supracoŭniki milicyi.
13.05
Usie piśmovyja dakumenty vyvučanyja. U sudovym pracesie abvieščany pierapynak da 14.00.
12.54
U spravie jość jaŭka z pavinnaj Małčanava, u jakoj jon pryznaje, što sarvaŭ ściahi z budynku KDB i pad upłyvam efektu natoŭpu stukaŭ u dźviery Doma ŭradu. Jon škaduje pra ździejśnienaje.
12.38
Dziaržaŭny abvinavaŭca začytvaje, jakija dakumenty jość u spravie, ale nie cytuje ich. Pratakoły vobšukaŭ i ahladu pradmietaŭ, ich kanfiskacyi, prasłuchoŭvańnia telefonnych razmoŭ, pastanovaŭ śledztva.
12.10
Jašče adzin pratakoł ahladu centralnaha ŭvachodu ŭ Dom uradu — na bakavoj tumbie pomnika Lenina znojdziena rečyva buraha koleru, butelka z vadkaściu i frahmentami zacisnutaj tkaniny, kanistry z haručaj vadkaściu.
12:05
Zafiksavana, jak bili šyby ŭ pieršym šerahu dźviarej. U druhim šerahu dźviery ŭ Dom uradu začynienyja, bačnych paškodžańniaŭ niama. Znajšli zaplečnik z sollu i sodaj, butelkaj z vadkaściu, dymavoj šaškaj. U materyjałach šmat razoŭ adznačajecca, što znojdzienyja butelki z «vadkaściu, nibyta haručaj». Što za vadkaść i ci sapraŭdy haručaja, nie vyśvietlena.
11.59
Siarod ich — pratakoł ahladu miascovaści na płoščy Niezaležnaści, i znojdzienych tam rečaŭ: hazavaha balončyka, dymavoj šaški, rydloŭki, butelki
Pačali daśledavać piśmovyja materyjały spravy.
11.45
Na videa čuvać, jak aperatyŭniki ŭ cyvilnym pry razhonie kryčać specnazaŭcam: «
11.44
Pra nastupny epizod «šturmu», u jakim Atroščankaŭ znachodziŭsia ŭ zadnich šerahach natoŭpu, jon kaža, što na jaho nacisnuli zzadu i jon paddaŭsia, bo było ślizka. Atroščankaŭ skazaŭ: «Ja tut znachodziŭsia ŭ jakaści žurnalista, i razumieŭ, što tut adbyvajecca niešta važnaje».
11.38
Alaksandar Atroščankaŭ paznaŭ siabie na zadnim planie padziej la dźviarej Doma ŭradu: «Ja hladžu, što adbyvajecca».
11:36
Małčanaŭ nie paznaŭ siabie na videa, kali nieviadomyja bjuć ščyty na ŭvachodzie ŭ Dom uradu.
11:31
Prahladajecca nastupny dysk z zapisami dziejańniaŭ Novika kala ŭvachodu ŭ Dom ŭradu. Novik siabie paznaŭ na videazdymkach, na jakich natoŭp bje pa draŭlanych stałach, jakimi specnazaŭcy zabarykadavali ŭvachody ŭ Dom urada. Advakat naličyŭ na videa tolki 3 ŭdary Novika nahoju, kali ŭžo nie było škła. Abvinavačańnie ćvierdzić — jak minimum, 21 udar.
11:30
Dopyt śviedkaŭ skončanyja. Sud vyrašyŭ adnavić prahlad videazapisaŭ. Adzin ź ich učora nie ŭdałosia dahledzieć, bo dysk akazaŭsia sapsavanym.
Na videa demanstrujucca padziei 19 śniežnia na Kastryčnickaj płoščy, vokličy ludziej «Žyvie Biełaruś», momant zryvu aficyjnaha ściahu z budynku KDB. Padsudny Małčanaŭ pryznaŭ, što heta jon sarvaŭ ściah, ale jon nie taptaŭsia pa tych ściahach.
11.15
Nastupny śviedka — Mikita Kastycki, 1987 hoda naradžeńnia, pažarny ź Mienska.
Jon skazaŭ, što viedaje Źmitra Novika, paćvierdziŭ, što Novik karystaŭsia
11.07
Nastupny śviedka — Taciana Haŭrylčyk, videaapieratar sajta «Našaj Niva».
Dziaržaŭny abvinavaŭca raspytvaje Tacianu pra jaje pracu na płoščy, pra źniaćcio ściahoŭ z budynku KDB. Dziaržaŭny abvinavaŭca spytaŭ: «Što jon rabiŭ sa ściahami?»
Taciana adkazała: «Ubok adkinuŭ, dreŭka ściaha nie pałamaŭ». Jana skazała, što nie moža apisać čałavieka, jaki ustaloŭvaŭ
11:05
Nastupny śviedka — Vital Laŭčuk,
«My źbiralisia vykazać pratest i niazhodu z tym, jak iduć prezydenckija vybary. My mierkavali, što vybary buduć sfalšavanymi i damovilisia pajechać na Płošču vykazać svaju niazhodu».
U adkaz na pytańni pradstaŭnicy abvinavačvańnia śviedka raspaviadaje pra mitynh na Kastryčnickaj płoščy, pra ruch pa praspekcie, kaža što milicyja im nie zaminała iści pa prajeznaj častcy.
Laŭčuk kaža, što nie bačyŭ, što rabili ludzi la ŭvachodu ŭ dom uradu, tolki čuŭ jak raźbivajecca škło. Jon kaža, što nie razmaŭlaŭ z Małčanavym paśla płoščy, paźniej pry prahladzie na videa z płoščy jon nie bačyŭ Małčanava. Ale bačyŭ videa, dzie Małčanaŭ machaje
Laŭčuk byŭ za rulom, kali jany jechali ŭ Miensk z Barysava, kaža, što jahonyja pasažyry krychu vypili piva pa darozie, prykmiet apjanieńnia ŭ ich nie było.
10:50
Novik kaža, što śviedka jaho ahavaryŭ
10:36
Dopyt nastupnaha śviedki Uładzimira Krasava, kiroŭcy ambasady Abjadnanych Arabskich Emirataŭ, pieradaje Radyjo Svaboda.
Śviedka skazaŭ: Novik nie raspaviadaŭ jamu, što jon chacieŭ patrapić u budynak Doma ŭradu. Dla čaho jon nanosiŭ udary pa zaharodcy — Novik śviedku nie kazaŭ. «Ja spačatku padumaŭ, što Novik pachvaliŭsia i nie prydaŭ surjoznaści jahonym raspoviadam».
Śviedka viedaŭ, što budzie mirnaja akcyja i kali pryjšoŭ na płošču Niezaležnaści, to ŭbačyŭ, što tam «absalutna mirnaja akcyja i ŭ lozunhach na płoščy nie bačyŭ ničoha niamirnaha».
Novik skazaŭ, što hety śviedka «zdaŭ» jaho supracoŭnikam KDB, bo supracoŭniki vyjšli paśla płoščy spačatku na jaho. Adnosiny pamiž Novikam i śviedkam byli sapsavanyja jašče da 19 śniežnia.
10.32
Nastupny śviedka — Siarhiej Majoraŭ, paviedamlaje Radyjo Svaboda,
Śviedka paviedamiŭ sudu, što
10:05
Praciahvajecca dopyt śviedkaŭ.
Pieršy śviedka — biespracoŭny Siarhiej Ulenski ź Viciebska — siabar Małčanava. Jon jechaŭ z Małčanavym
Pryjechali ŭ Miensk, a 18 hadzinie, va Uručča. Kala
Na płoščy Niezaležnaści śviedka znoŭ ubačyŭ Małčanava, nasuprać Čyrvonaha kaścioła. «Dasłoŭna nie pamiataju, što raskazaŭ mnie tam Małčanaŭ, pra ściahi na budynku KDB nie raskazvaŭ. Jon mnie adnaznačna nie raskazvaŭ pra toje, što jon zdymaŭ ściahi».
Śviedku dapytvaje pradstaŭnica abvinavačvańnia.
Sudździa dadaje redkija repliki: «Ci bačyli na videa ŭ internecie z Małčanavym?
«Padobny na jaho čałaviek biŭ škło, stukaŭ u dźviery. Jon paźniej mnie ŭ razmovie paćvierdziŭ, što heta byŭ jon. Matyvacyjaj jahonych dziejańniaŭ ja nie cikaviŭsia».
Sud vyrašyŭ častkova začytać vytrymku z pratakołu dopytu śviedki na papiarednim śledztvie, ba zaŭvažyŭ supiarečnaść pakazańniaŭ jaho ŭ sudzie.
Na papiarednim śledztvie Siarhiej Ulenski pakazaŭ, što Małčanaŭ raspaviadaŭ jamu pra toje, što mienavita jon źniaŭ ściahi z budynku KDB i razmachvaŭ paźniej
10:00
Na ŭvachodzie ŭ zału suda va ŭsich pravieryli paśviedčańni i pierapisali dadzienyja. Zapuścili najpierš dziaržaŭnych žurnalistaŭ, niedziaržaŭnych vybaračna. Choć zała napałovu pustaja, jana raźličana na 36 čałaviek.
Pałovu zali, kala 15 čałaviek, zajmajuć nieviadomyja, jakija nie pradstaŭlajucca. U zału patrapiła mała pravaabaroncaŭ i žurnalistaŭ.
Śpiecnazaŭcy stajać u ludskim natoŭpie pad dźviaryma zały suda i nie puskajuć.
Siarod vyklikanych śviedak — videaapieratar NN Taćciana Haŭrylčyk.
***
U sudzie Frunzienskaha rajona Minska praciahvajecca praces nad abvinavačanych u «masavych biesparadkach».
Sudziać
U aŭtorak byŭ pieršy dzień pracesa, jaki skončyŭsia prahladam videa.
Atroščankava i Novika vinavaciać va ŭdziele ŭ masavych biesparadkach, a Małčanava — jašče i ŭ źniavazie dziaržaŭnaha ściaha, jaki jon sarvaŭ z budynku KDB. Atroščankaŭ svajoj viny nie pryznaŭ, Małčanaŭ pryznaŭ całkam, Novik — častkova.
***
Nahadajem, što 17 lutaha ŭ sudzie Frunzienskaha rajona Mienska adbyŭsia praces nad aktyvistam kampanii «Havary praŭdu» Vasilom Parfiankovym, jakoha źvinavacili va ŭdziele ŭ masavych biesparadkach na płoščy Niezaležnaści 19 śniežnia 2010 hoda. Parfiankova pakarali 4 hadami kałonii strohaha režymu. Taksama jon pavinien kampiensavać materyjalnyja straty ŭ pamiery 14 miljonaŭ 700 tysiač rubloŭ.
U sudzie Maskoŭskaha rajona Mienska 10 sakavika praciahniecca praces nad udzielnikami padziejaŭ 19 śniežnia hramadzianami Rasii Ivanam Haponavym i Arciomam Breŭsam, a taksama pradprymalnikam z Baranavičaŭ Źmitrom Miadźviedziem.
***
Pavodle pravaabarončaha centra «Viasna», vyłučynyja abvinavačańni 42 hramadzianam pa kryminalnaj spravie pra masavyja biesparadki:
— 32 — utrymlivajucca pad vartaj;
— 2 — pad chatnim aryštam;
— 8 — pad padpiskaj ab niavyjeździe