Sapraŭdnaja biełaruskaja kuchnia: Hračanaja kaša z hrybami
02.03.2011 / 16:45
300 h morkvy, 150 h sušanych hryboŭ, 350 h repčataj cybuli, 450 h hrečki, 750–800 mł vody, sol i masła pa huście, 200 h aleju.
Suchija hryby zamačyć ŭ haračaj vadzie na noč.
Cybulu i hryby parezać kubikami. Morkvu nacierci na bujnuju tarku. U taŭstaściennym rondali ci kazanie razahreć alej i padsmažyć u im cybulu da prazrystaści, dadać hryby, pieramiašać i prasmažyć ŭsie razam, dadać morkvu i jašče padsmažyć, pamiešvajučy, pakul morkva nie zarumianicca. pasalić.
Zasypać pramytuju hrečku, pieramiašać i zalić ŭsio haračaj vadoj. Jak zakipić — pamienšyć ahoń da siaredniaha. Kali vada z pavierchni sydzie (častka vykipić, a častka ŭbiarecca ŭ krupy), akuratna pieramiašać kašu, možna dadać pa smaku masła, nakryć rondal viečkam i pamienšyć ahoń da minimumu abo pastavić rondal z kašaj u duchoŭku (kaša pavinna ŭpreć). Kali kaša ŭpreje i ŭsia vada ŭbiarecca, a krupy dojduć da hatoŭnaści, padavać na stoł.