Popyt na valutu zaškalvaje. Banki pačali pradavać jaje pa maksimalnym kursie
Nacbank uchvaliŭ rašeńnie kamiercyjnych bankaŭ.
03.03.2011 / 22:58
U biełaruskich bankach kupić hatoŭku možna tolki pa maksimalna dapuščalnym kursie. Nacbank adobryŭ rašeńnie kamiercyjnych bankaŭ.«Raspačatyja Nacbankam napiaredadni kroki pa abmiežavańni popytu na biržavym i mižbankaŭskim valutnym rynku pryviali da rostu popytu nasielnictva na najaŭnuju zamiežnuju valutu ŭ apošnija dni. U hetaj situacyi praktyčna ŭsie kamiercyjnyja banki ŭstalavali kurs prodažu dalara na ŭzroŭni, adpaviednym jaho maksimalna dapuščalnamu značeńniu — plus 2% da aficyjnaha kursu Nacbanka», — skazaŭ pradstaŭnik banku ahienctvu»
Pavodle jaho słoŭ, takaja pazicyja kamiercyjnych bankaŭ padtrymlivajecca Nacbankam, jaki zacikaŭleny ŭ źnižeńni popytu na ŭsich siehmientach valutnaha rynku, u tym liku i na najaŭnuju zamiežnuju valutu.