Polskaja kontrraźviedka vyličyła 300 zamiežnych špijonaŭ
11.03.2011 / 16:39
Kiraŭnik Ahienctva ŭnutranaj biaśpieki Polščy Kšyštaf Bandaryk pradstaviŭ dakład, u jakim daŭ spravazdaču ab dziejnaści kontrraźviedki ŭ minułym hodzie.
Adnym z punktaŭ dakładu stała spravazdača pra sačeńnie za zamiežnymi špijonami, jakija dziejničajuć u Polščy. Pa słovach Bandaryka, usiaho ŭ krainie vyjaŭlena kala 300 zamiežnych špijonaŭ, jakija majuć dypłamatyčny status. Pry hetym jon adznačyŭ, što ekstradyjavać nikoha z raźviedčykaŭ ułady Polščy nie źbirajucca, bo takaja miera vykarystoŭvajecca tolki ŭ skrajnich vypadkach, udakładniaje «Polskaje radyjo». Usiaho, pa słovach kiraŭnika śpiecsłužby, u Polščy akredytavana kala 2 tysiač zamiežnych dypłamataŭ.
Na jakija mienavita dziaržavy pracujuć vyjaŭlenyja špijony, kiraŭnik kontrraźviedki nie patłumačyŭ. Miž tym jon raskazaŭ, što ŭ 2010 hodzie śpiecsłužba spyniła dziejnaść pradstaŭnika pakistanskaj terarystyčnaj hrupoŭki
Padčas kanfierencyi kiraŭnik Ahienctva ŭnutranaj biaśpieki taksama raskazaŭ, što ŭznačalenaje im viedamstva rychtuje papraŭki, jakija praduhledžvajuć uzmacnieńnie žorstkaści antyšpijonskaha zakanadaŭstva. U čym mienavita buduć zaklučacca źmieny, jon nie patłumačyŭ.
U śniežni 2010 hoda paviedamlałasia, što ŭ Polščy da troch hadoŭ turmy byŭ prysudžany rasijec, jaki, pa viersii śledstva, pracavaŭ na HRU RF. Vyviednik byŭ raskryty Ahienctvam ŭnutranaj biaśpieki ŭ 2009 hodzie. Viadomyja inicyjały asudžanaha — TJ, niekatoryja krynicy nazyvali jaho Tadevušam.