Admienieny kancert Volskaha i «Krambambuli» ŭ Minsku
Muzyki mielisia prezientavać novy albom 17 sakavika.
15.03.2011 / 15:42
Muzyki mielisia prezientavać novy albom 17 sakavika.
U pabie «Hości», dzie płanavaŭsia kancert, paviedamili, što «salist», to bok Lavon Volski, zachvareŭ, i prodaž kvitkoŭ prypynieny.
Jak stała viadoma NN, u Minharvykankam vyklikali pradstaŭnika pabu, i paraili zamianić «Krambambulu» na inšy hurt.
Lavon Volski adreahavaŭ na navinu strymana.
«Nie mahu skazać, što ja ździŭleny. Nam zrabili vychodny na hety dzień. Chočacca padziakavać adkaznym strukturam za taki šalony pijar. Narešcie i my majem ahałciełuju rekłamu. Dumaju, padčas padzieńnia prodažaŭ kružełak, prodažy našaha novaha alboma za košt hetaha vyrastuć».
Volski skazaŭ, što ŭ lubym vypadku znojdzie mahčymaści danieści svaju muzyku da słuchačoŭ. Jon škaduje tolki, što na kancert nie trapiać tyja, chto nabyŭ kvitki. Pa słovach muzyki, na vystupu pavinny byli prysutničać zamiežnyja dypłamaty.
Nahadajem, što ŭ pačatku sakavika źjaviŭsia «čorny» śpis ajčynnych i zamiežnych dziejačaŭ kultury, pra jakich zabaroniena ŭzhadvać u dziaržpresie. U tym śpisie apynułasia i «Krambambula». Zabaronu na sabie ŭžo adčuli hurt «Lapis Trubiackoj» (admienieny kancert 13 sakavika ŭ Homieli), śpiavak Źmicier Vajciuškievič (biez tłumačeńniaŭ admianili vystup 18 sakavika ŭ Breście). Vyrašajecca pytańnie ź minskim kancertam «Niejra Dziubiela» 24 sakavika.