Lipkovič spaliŭ knihi Čarhinca

19 sakavika błohier-prykalist adznačyŭ Dzień abarony maładoj biełaruskaj maralnaści.

19.03.2011 / 16:41

19 sakavika ŭ Sievastopalskim skviery stalicy prajšło śviatkavańnie Dnia abarony maładoj biełaruskaj maralnaści. Udzielniki litaraturna-mastackaj akcyi prynieśli z saboj knihi Mikałaja Čarhinca, ź jakich raspalili vohnišča.

Dzień abarony maładoj biełaruskaj maralnaści śviatkujecca ŭ druhi raz, adznačaje arhanizatar akcyi viadomy biełaruski błohier Jaŭhien Lipkovič.

«Maładaja biełaruskaja maralnaść maje patrebu ŭ abaronie, padobnyja mierapryjemstvy naohuł pavinny stać štodzionnymi. Voś kali ŭstaŭ ranicaj, vyjaviŭ dzie-niebudź knihi Čarhinca, Rubinava, televizar ź biełaruskim kanałam… Nie pabiŭ televizar, nie spaliŭ Čarhinca — dzień pražyty daremna, maralnaść paciarpieła «, — ličyć Lipkovič.

Nahadajem, letaś Biełaruski hramadski saviet pa maralnaści, jaki ŭznačalvaje Mikałaj Čarhiniec, zapatrabavaŭ ad arhanizataraŭ kancertu Rammstein u Minsku zrabić papiaredni prahlad prahramy vystupu hrupy. U radzie paličyli, što muzyki buduć «rujnavać biełaruskuju dziaržaŭnaść».