Nie mienš za 94 asoby zahinuli ŭ Bienhazi ad ruk Kadafi ŭčora

Takija źviestki dała adna z balnic horada.

20.03.2011 / 14:06

Takija źviestki dała adna z balnic horada arabskamu telekanału «Al-Džazira».

Siły dyktatara sprabavali ŭziać Bienhazi šturmam uviečary piatnicy i ŭranku subotu. Heta było paśla pryniaćcia rezalucyi Rady Biaśpieki AAN. Kadafi chacieŭ pastavić śviet pierad faktam, što kantraluje ŭsiu terytoryju krainy.

Na niepaduładny jamu horad abrynuŭsia artyleryjski ahoń.

Dziejańni Kadafi zmusili Francyju paskoryć pačatak vajskovaj apieracyi. Učora paśla abiedu francuzskija samaloty nanieśli pieršyja ŭdary pa tankach i vajennych mašynach livijskaj armii vakoł Bienhazi.

Kadafi trymaje ŭładu ŭ Livii 42 hady. Svabodnych vybaraŭ u krainie nie pravodziłasia. Kadafi abapirajecca na viernych sabie ludziej, najpierš — rodnych i pryjomnych dziaciej.

SH