Лівійская армія заяўляе пра неадкладнае спыненне агню. Чарговы раз
Заява аб спыненні агню з'явілася практычна праз суткі пасля пачатку ваеннай аперацыі ў Лівіі, якая носіць назву «Адысея. Світанне».
20.03.2011 / 23:42
Scanpix.
Лівійскае войска ў нядзелю абвясціла аб неадкладным спыненні агню ў 21.00 па мясцовым часе (21.00 мінскі час), паведаміў прадстаўнік арміі на прэс-канферэнцыі.
«Усім падраздзяленням лівійскіх узброеных сілаў ... дадзеная каманда неадкладнага спынення агню а 9-й вечара сёння», - цытуе Reuters прадстаўніка арміі.
Інфармацыі пра тэрміны спынення агню пакуль няма.
Заява аб спыненні агню з'явілася практычна праз суткі пасля пачатку ваеннай аперацыі ў Лівіі, якая носіць назву «Адысея. Світанне». Яна ажыццяўляецца ваенна-паветранымі сіламі ЗША, Вялікабрытаніі, Францыі, Італіі, Канады і Катара.
***
У другой палове дня, высокапастаўленая крыніца ў ваенных колах ЗША заявіла, что Злучаныя Штаты плануюць новыя ўдары па Лівіі ў рамках ваеннай аперацыі.
«Гэта доўгая аперацыя. Мы плануем новыя ўдары», — сказала крыніца ў ваенных колах ЗША.
Аперацыя супраць рэжыму Кадафі ажыццяўляецца сіламі ЗША, Вялікабрытаніі, Францыі, Італіі і Канады.