Livijskaja armija zajaŭlaje pra nieadkładnaje spynieńnie ahniu. Čarhovy raz

Zajava ab spynieńni ahniu źjaviłasia praktyčna praz sutki paśla pačatku vajennaj apieracyi ŭ Livii, jakaja nosić nazvu «Adysieja. Śvitańnie».

20.03.2011 / 23:42

Scanpix.

Livijskaje vojska ŭ niadzielu abviaściła ab nieadkładnym spynieńni ahniu ŭ 21.00 pa miascovym časie (21.00 minski čas), paviedamiŭ pradstaŭnik armii na pres-kanfierencyi.

«Usim padraździaleńniam livijskich uzbrojenych siłaŭ ... dadzienaja kamanda nieadkładnaha spynieńnia ahniu a 9-j viečara siońnia», - cytuje Reuters pradstaŭnika armii.

Infarmacyi pra terminy spynieńnia ahniu pakul niama.

Zajava ab spynieńni ahniu źjaviłasia praktyčna praz sutki paśla pačatku vajennaj apieracyi ŭ Livii, jakaja nosić nazvu «Adysieja. Śvitańnie». Jana ažyćciaŭlajecca vajenna-pavietranymi siłami ZŠA, Vialikabrytanii, Francyi, Italii, Kanady i Katara.

***

U druhoj pałovie dnia, vysokapastaŭlenaja krynica ŭ vajennych kołach ZŠA zajaviła, čto Złučanyja Štaty płanujuć novyja ŭdary pa Livii ŭ ramkach vajennaj apieracyi.

«Heta doŭhaja apieracyja. My płanujem novyja ŭdary», — skazała krynica ŭ vajennych kołach ZŠA.

Apieracyja suprać režymu Kadafi ažyćciaŭlajecca siłami ZŠA, Vialikabrytanii, Francyi, Italii i Kanady.