Hałasy z-za ścienki. Sud nad Daškievičam i Łobavym

Onłajn, dadalisia fota i videa

Sud nad Daškievičam i Łobavym. Chłopcaŭ abvinavačvajuć u źbićci vypadkovych hramadzian. «Paciarpiełyja» nie pakazvajucca prysutnym u sudzie, bo nibyta bajacca raspravy.

22.03.2011 / 15:03

Baćka Źmitra Daškieviča sp. Viačasłaŭ

Źmicier Daškievič i Eduard Łobaŭ.

Źmicier Daškievič

Advakat Źmitra Daškieviča Maryjana Siamieška, za joj -- advakat Eduarda Łobava Alena Aŭsiańnikava.

Eduard Łobaŭ.

19.40

Sud praciahniecca zaŭtra, 23 sakavika. Pačatak pasiedžańnia a 10-aj hadzinie.

19.25

Byŭ dapytany adzin śviedka — kamandzir uzvoda milicyi Juryj Mieliniec. Jon davaŭ błytanyja pakazańni.

Paśla dopytu Mielinca ŭ sudzie abvieščany pierapynak, adnak dakładna nieviadoma, kali adnovicca pasiedžańnie — siońnia, albo zaŭtra.

18:39

Pačynajecca dopyt śviedkaŭ. Sudździa admaŭlajecca zrabić pierapynak.

18:38

Sudździa Šylko robić zaŭvahu Savickaha, kab toj pavodziŭ siabie prystojna.

Małyšaŭ taksama nidzie nikoli nie pracavaŭ, bo ŭ jaho niama prafiesii.

Mabilnikam taksama nikoli nie karystaŭsia. «Ja admaŭlaju dasiahnieńni sučasnaj navuki».

18:35

Marjana Siamieška kaža, što jość šerah niesupadzieńniaŭ u pratakołach papiaredniaha dopytu i pakazańniach na sudzie.

Jana prosić začytać pratakoły dopytaŭ. Cikava, što ŭ Savickaha i Małyšava absalutna adnolkavyja pratakoły dopytaŭ. U ich šmat jurydyčnych terminaŭ. Heta vyklikaje sumnieŭ, što ŭ abodvuch «paciarpiełych» tolki siaredniaja adukacyja.

18:12

Savicki dabraŭsia da vulicy Bryla taksama na paputcy, jak i Małyšaŭ. Tolki Małyšaŭ zapłaciŭ za «paputku» 7 tysiač, a Savicki — 25.

17:59

Savicki havoryć, što švy jamu nie nakładvali, bo «heta niefotahienična», tamu jamu nakłali płastyr.

«Paciarpieły» kaža, što nikoli nie pracavaŭ. «A dzie vy biarecie hrošy na kafe?» «Boh daje», — prahučaŭ hołas z-za ścienki.

17:54

Savicki: «Ja adčuvaŭ tolki bol, što jość kroŭ, daviedaŭsia potym».

«Paciarpieły» kaža, što ŭ siabroŭ u haściach, ale nie nazyvaje dom, bo baicca raspravy nad siabrami. Telefona z saboj u Savickaha nie było, bo zabyŭsia doma.

Marjana Siamieška pytajecca, jaki rost u Savickaha. «Siaredni», — adkazaŭ jon. Ci šmat času prajšło ad taho, kali Łobaŭ naciahnuŭ jamu šapku da ŭdaru. «Niamnoha, jon ža desantnik», — adkazaŭ Savicki.

17:30

Kanstancin Savicki, 1979 hoda naradžeńnia. Naradziŭsia ŭ Samary (Rasija). Adukacyja — siaredniaja, nie pracuje.

Jany sustrelisia z Małyšavym na vulicy Bryla «absalutna vypadkova». Potym jany vyrašyli pajechać u centr horada. I papytalisia ŭ chłopcaŭ, jak prajści da prypynku. Paśla pytańnia pra cyharety «Daškievič biespryčynna nanios udar Alehu ŭ žyvot».

Savicki pichnuŭ Daškieviča ŭbok. Savicki pabačyŭ, što Łobaŭ choča ŭdaryć jaho. Ale «paciarpieły» ŭviarnuŭsia. Ale Łobaŭ usio ž zmoh naciahnuć šapku na vočy Savickamu i nanios mocny ŭdar.

Potym Savicki pabačyŭ fomku ŭ rukach Łobava. Savicki i Łobaŭ pačali zmahacca.

«Milicyja pryjechała chutka. Adzin z supracoŭnikaŭ milicyi sieŭ mnie na chrybietnik, mnie było vielmi baluča. Ale nichto mianie nie čuŭ. Mnie adziavali kajdanki. U pastarunku ja staŭ kiepska siabie adčuvać, paprasić, kab vyklikali chutkuju dapamohu. Ale daktary skazali, što traŭmy niamocnyja», — raskazvaje Savicki.

17:23

Małyšaŭ nie bačyŭ, chto advioz manciroŭku ŭ milicyju. Kaža, što bačyŭ paškodžańni ŭ Savickaha. Jakoha typa jany byli? «Raśsiačeńnie», — upeŭniena adkazaŭ jon.

Małyšaŭ kaža, što dabraŭsia da Bryla na paputcy ad praśpiekta Dziaržynskaha. Małyšaŭ prasiŭ advieźci bližej da centra. Jaki centr na Bryla?

Čamu vysadziŭ tam, bo skončylisia hrošy. Ale ž ałyšaŭ jechaŭ nie na taksi, a na paputcy.

Małyšaŭ paćvierdziŭ, što byŭ niejki mužčyna, što hetuju scenu, ale jon byŭ pjany. Biehaŭ pamiž hrupami, prasiŭ supakoicca, pamirycca.

Paciarpieły kaža, što milicyja skruciła jamu ruki i pasadzili ŭ aŭtobus. Nie davali tam pieramaŭlacca. Małyšaŭ nie viedaje, chto vyklikaŭ milicyju.

Daškievič papiaredziŭ Małyšava ab iłžepakazańniach, što jon moža apynucca ŭ turmie za heta. «

U turmie asabliva ŭ košcie sała, časnyk, harbata. Źbirajcie ŭžo torbu ŭ turmu», — skazaŭ Daškievič.

17:00

Małyšaŭ kaža, što ŭ pastarunku ŭ Daškieviča znajšli niejkija «prakłamacyi». «Tady ja zrazumieŭ, što heta niejkija palityčnyja ludzi».

Paciarpieły śćviardžaje, što byli ŭdvuch z Savickim, bolš nikoha nie było. Małyšaŭ: «Mnie zdajecca, što abvinavačanyja chočuć zrabić siabie niavinnymi achviarami, uličvajučy kim jany źjaŭlajucca».

Ciapier paciarpiełaha dapytvaje Marjana Siamieška. Małyšaŭ vidavočna niervujecca. Pytajecca, ci majuć hetyja pytańni dačynieńnia da śledstva.

16:50

Dopyt paciarpiełych. Pieršaha Małyšava Aleha, 1981 hoda. Časova niepracujučy, maje siaredniuju adukacyju. Žyvie ŭ pasiołku Lasnym Minski rajon.

Kaža, što nikoli raniej nie bačyŭ i nie viedaŭ abvinavačanych. Pačućcia kryŭdy na ich nie maje.

Małašaŭ kaža, što vyrašyŭ sustrecca z svaim siabram Savickim. Zajści ŭ jakuju kaviarniu. «Ja na toj momant byŭ ćviarozy».

Vyrašyli papytacca ŭ minakoŭ, dzie prypynak. Ciapier jon viedaje, što pytaŭsia ŭ Daškieviča. Źmicier adkazaŭ, što nie viedaje. Savicki ž papytaŭsia pra cyharety.

Daškievič paśla hetaha nibyta nanios udar Małyšavu.

A Łobaŭ nibyta ŭ hety čas sprabavaŭ nanieści ŭdar Savickamu.

16:42

Hučyć z-za ścienki hołas Aleha Małyšava.

Małyšaŭ pytajecca, ci nie pakutavaŭ Łobaŭ manijakalnym psichozam. Baćka Łobava: «Z takimi zachvorvańniami ŭ desant nie biaruć». Sudździa zrabiła jamu zaŭvahu.

«Nie, ja takimi zachvorvańniami nie pakutvaŭ», — kaža Łobaŭ.

Kanstancin Savicki pytajecca, kamu naležała fomka. Łobaŭ kaža, što jamu.

«Navošta jon nios z saboj fomku», — pytajecca Savicki. «Mnie treba było doma pravieści ramontnyja raboty», — adkazvaje Eduard.

Na pytańnie pra nieabchodnaść dastavać fomku, Łobaŭ kaža, što tak abaraniaŭsia.

16:35

Łobaŭ havoryć, što nikomu ŭdaraŭ nie nanosiŭ. «Ja zrabiŭ try-piać krokaŭ nazad, dastaŭ fomku, i pryhraziŭ, kali Savicki nie adydzie, to naniasie ŭdar. Ale Savicki schapiŭ jaho za ruku. Fomka vypała. Maje dziejańni byli vyklučna abarončyja».

Eduard havoryć, što Savicki ŭdaram raśsiok jamu hubu. Na Savickim była ciomnaja vopratka.

Savicki pavaliŭ Łobava, paśla čaho ŭtrymlivaŭ. Kali padyšoŭ Małyšaŭ, to naciahnuŭ jamu šapku na vočy, kab ničoha nie bačyŭ.

Łobaŭ taksama nie čuŭ, jak niechta vyklikaŭ milicyju.

16:11

Pakazańni Łobava.

«A vy taksama palityčny?» — nie spyniajecca prakuror.

«Ja staršynia minskaj arhanizacyi Maładoha fronta».

Słovy Łobava adpaviadajuć tamu, što havaryŭ Daškievič.

Łobaŭ kaža, što jaho ŭdaryŭ Savicki ŭ hubu. Potym chłopiec dastaŭ fomku, kab akazać na napadnikaŭ «psichałahična». Ale na Savickaha heta nie padziejničała.

16:08

«Vy palitykaj zajmajeciesia?» — pytajecca prakuror.

«Tak, Małady front», — adkazaŭ Źmicier.

«A jana rehistracyju ŭ Biełarusi maje?»

«Nie».

Paciarpiełyja» pytańniaŭ da Daškieviča nie majuć. Zaraz pačynajuć dapytvać Łobava.

16:04

Pa słovach Daškieviča, jaho zatrymaŭ adzin z paciarpiełych. Załamaŭ ruku.

Sa śviedkaŭ Daškievič kaža, što da ich padychodziŭ adzin mužčyna. «Mnie spačatku zdavałasia, što heta jašče adzin».

Źmicier paprasiŭ vyklikać milicyju. Ale «paciarpiełyja» zaznačyli, što milicyju ŭžo vyklikali.

«Ja ŭžo potym pabačyŭ, što Łazaru paškodzili nahu. Kali pryjechaŭ śpiecnaz, to jon lažaŭ na śniezie i nie moh padniacca».

15:52

Źmicier kaža, što jaho pakłali tvaram u śnieh, tamu jon nie moh bačyć, što adbyvajecca vakoł. Nieviadoma navat, chto vyklikaŭ milicyju. Aŭtbus pryjechaŭ praz 3–5 chvilinaŭ.

Daškievič havoryć, što ŭ pastarunku ŭ jaho navat nichto nie braŭ tłumačeńniaŭ. Jaho adrazu advieźli ŭ SIZA. I tolki na trecija sutki ź im adbyłasia hutarka.

Daškievič nie davaŭ pakazańni ŭ chodzie papiaredniaha śledstva.

Pry sabie ŭ staršyni MF byŭ zaplečnik, noŭtbuk, spalnik. Daškievič kaža, što napiaredadni vybaraŭ nie znachodziŭsia doma, bo aścierahaŭsia zatrymańnia.

15:42

Vyrašana spačatku dapytać abvinavačanych. Daškievič kaža, što 18 śniežnia znachodziŭsia ŭ dvarach damoŭ pa vulicy Janki Bryla. Razam z Daškievičam byŭ Eduard Łobaŭ i Dzianis Łazar.

Daškievič havoryć, što na ich napała hrupa likam piaci čałaviek. Savicki i Małyšaŭ byli ŭ hetaj hrupie. «Adzin ź ich paprasiŭ u mianie zakuryć, druhi zapytaŭ numar doma», — kaža Daškievič.

Chłopiec havoryć, što nie paśpieŭ adkazać na pytańnie, jak na jaho nakinulisia z krykam: «Milicyja, bjuć!». Što adbyvałasia potym Daškievič nie bačyŭ.

Padjechaŭ aŭtobus sa śpiecnazam, jakija «chutka razabralisia, chto vinavatyja, a chto — nie».

Abvinavačany kaža, što za im sačyli ad samaj ranicy 18 śniežnia. I ŭ jaho było pradčuvańnie niečaha niadobraha.

Daškievič kaža, što zaŭvažyŭ hetuju hrupu ludziej jašče mietraŭ za piaćdziesiat da taho, jak jany padyšli da ich.

Daškievič sapraŭdy pryznaje, što ŭ Eduarda Łobava z saboj była fomka (maleńki łom). Daškievič heta tłumačyć tym, što Łobaŭ desantnik.

15:27

Dziaržaŭny abvinavaŭca Mazoŭka ahuvaje abvinavačvańnie Daškieviču i Łobavu.

Daškievič nibyta nanios Małyšavu nie mienš adnaho ŭdaru rukoj, Savickamu — nie mienš adnaho rukoj, adzin mietaličnym pradmietam. Toje samaje pa Łobavu.

Im inkryminujuć artykuł 339 «Asabliva złosnaje chulihanstva».

Abodva abvinavačanyja nie pryznajuć svaju vinu.

15:23

Sudździa adchiliła chadajnictva Daškieviča i Łobava. Paciarpiełych tak nichto i nie pabačyć. Sud praciahvajecca.

14:54

Suddia znoŭ vydalajecca z zali, kab vyrašyć chadajnictva nakont adkrytaha dopyta paciarpiełych. Čarhovy pierapynak u sudzie.

14:51

Marjana Simieška i Alena Aŭsiańnikava taksama chadajničajuć, kab śviedkaŭ dapytali adkryta. Prakuror Mazoŭka kaža, što na heta niama padstavaŭ.

14:48

Daškievič kaža, što paciarpiełych nichto nie viedaje. Jany nie pakinuli svaich kaardynat. Daškievič patrabuje, kab paciarpiełyja davali pakazańni adkryta.

Sudździa jak dokaz sapraŭdnaści paciarpiełych demanstruje ich pašparta. A taksama začytvaje zajavu Savickaha, što jon baicca dalejšaj raspravy. Anałahičnaja zajava jość ad Małyšava.

Daškievič prosić «skončyć hety cyrk za adzin dzień».

14:45

Sudździa Šylko adchiliła advod Daškieviča. Sud praciahvajecca.

14:30

Daškieviča i Łobava vyvieli z zali suda. Advakaty praciahvajuć siadzieć na svaich miescach. Značyć, sud praciahniecca.

14:23

Daškievič zajaŭlaje advod suprać sudździ.

Advakaty zaraz hutarać z abvinavačanymi.

14:19

Paciarpiełyja znachodziacca ŭ inšym pamiaškańni. Nichto ich nie bačyć. Čuvać tolki hołas z-za ścienki. Zdajecca, ich dvoje. Sudździa znajomić abvinavačanych i paciarpiełych z pravami i abaviazkami.

14:17

Na sud źjaviłasia amal dziesiać śviedkaŭ i paciarpiełych. Paciarpiełyja buduć dapytanyja pa-za zonaj bačnaści. U metach ichniaj biaśpieki.

Zaraz apytvajuć Źmitra Daškieviča. Havoryć cicha, ale ŭpeŭniena. Adkazvaje na pytańni pa-biełarusku.

14:13

Advakatam Daškieviča źjaŭlajecca Marjana Siamieška, a Łobava — Alena Aŭsiańnikava. Sudździa — Alena Šylko.

U zalu pryjšoŭ pradstaŭnik amierykanskaha pasolstva Krystafier Panika.

14:06

Najpierš u zalu suda dapuścili pradstaŭnikoŭ ŚMI, a taksama svajakoŭ. Prysutničaje baćka Daškieviča Viačasłaŭ, a taksama mama Łobava Maryna.

Jość pradstaŭniki niekalkich dypłamatyčnych misij. U pryvatnaści, Hiermanii.

Daškievič u spartovaj formie. Robić vitalnyja ruchi prysutnym u zali.

Videa i fotareparcioraŭ vydalili z zali suda. Na vulicy zastałosia šmat maładafrontaŭcaŭ, a taksama palitykaŭ.

***

U aŭtorak, a 14 hadzinie pačaŭsia sudovy praces nad lidaram Maładoha fronta Źmitrom Daškievičam. A taksama aktyvistam arhanizacyi EduardamŁobavym.

Chłopcaŭ abvinavačvajuć u złosnym chulihanstvie. Nibyta jany 18 śniežnia źbili vypadkovych hramadzian. Pavodle hetaha artykuła chłopcam moža pahražać ad troch da dziesiaci hadoŭ.

Daškievič i Łobaŭ utrymlivalisia ŭ SIZA Žodzina. Potym ich pieraviali na Vaładarku.

Źmicier Pankaviec, fota Siarhieja Hudzilina