Iryna Chalip pačała znajomicca z materyjałami kryminalnaj spravy
06.04.2011 / 09:34
paviedamiła maci Iryny Chalip Lucyna Bialzackaja.
Pavodle jaje słoŭ, 5 krasavika Irynu Chalip vyklikali ŭ KDB dla aznajamleńnia z materyjałami spravy. "Pra niejkija padrabiaznaści jana havaryć mnie nie maje prava, pakolki dała padpisku ab nievydavańni. Toje, što joj vyznačyli najbolej miakki artykuł KK, — heta dobra: zamiest 293-ha (masavyja biesparadki), pavodle jakich praduhledžana pakarańnie da 15 hadoŭ pazbaŭleńnia voli, 342-hi (arhanizacyja i padrychtoŭka dziejańniaŭ, jakija hruba parušajuć hramadski paradak), na padstavie jakoha praduhledžana pakarańnie da troch hadoŭ pazbaŭleńnia voli. Adnak navat pa hetym abvinavačańni jana nievinavataja", — skazała Bialzackaja.
Jak adznačyła maci Iryny Chalip,
jaje dačce "nie chapaje pavietra":
"Na zdaroŭje jana nie skardzicca, ale jana ŭžo znachodzicca dva miesiacy ŭ kvatery, pad chatnim aryštam".
Nahadajem, 4 krasavika śledčym upraŭleńniem papiaredniaha rasśledavańnia HUUS Minharvykankama pradjaŭlena kančatkovaje, najbolej miakkaje, abvinavačańnie čatyrom fihurantam kryminalnaj spravy ab masavych biesparadkach, u tym liku Irynie Chalip, karespandentu rasijskaj "Novoj haziety", žoncy Andreja Sańnikava.
Jak paviedamiła ŭpraŭleńnie infarmacyi i hramadskich suviaziaŭ (UIHS) MUS Biełarusi, Iryna Chalip, Dźmitryj Bandarenka, Siarhiej Marcaleŭ i Pavieł Sieviaryniec abvinavačvajucca pa č. 1 art. 342 KK (arhanizacyja i padrychtoŭka dziejańniaŭ, jakija hruba parušajuć hramadski paradak, abo aktyŭny ŭdzieł u ich). Raniej jany abvinavačvalisia pa art. 293 KK (masavyja biesparadki).
Abvinavačańnie pradjaŭlena "z ulikam atrymanych padčas papiaredniaha rasśledavańnia dokazaŭ, u tym liku dakumientalnych materyjałaŭ, padrabiaznych i ŭzhodnienych pamiž saboj pakazańniaŭ abvinavačvanych pa padziejach 19 śniežnia 2010 hoda ŭ Minsku", havorycca ŭ paviedamleńni UIHS MUS.