Zamiežny doŭh Biełarusi ŭščylnuju nabliziŭsia da limitu
I skłaŭ na 1 sakavika kala 10,6 młrd dalaraŭ. Zaćvierdžany limit dziarždoŭhu składaje 11 młrd dalaraŭ.
06.04.2011 / 15:03
Ministerstva finansaŭ Biełarusi raspaŭsiudziła paviedamleńnie, što zamiežny dziaržaŭny doŭh krainy nabliziŭsia da ŭzroŭniu limitu i skłaŭ na 1 sakavika kala 10,6 młrd dalaraŭ. Zaćvierdžany limit dziarždoŭhu składaje 11 młrd dalaraŭ.
Paviedamleńnie Minfina cytuje
«Zamiežny dziaržaŭny doŭh Biełarusi za lutym 2011 hoda pavialičyŭsia na 0,9% i na 1 sakavika byŭ na ŭzroŭni 32103,9 miljarda biełaruskich rubloŭ (kala 10,6 miljarda dalaraŭ)», — havorycca ŭ paviedamleńni Minfina.
Pry hetym zapazyčanaść, harantavanaja ŭradam, składaje 2,3% usiaho vonkavaha abaviazku. Hety pakazčyk za luty pavialičyŭsia na 13,9%. Doŭh centralnaha ŭrada składaje 97,7%, pryčym usia zapazyčanaść sfarmiravana doŭhaterminovymi pazykami.
Unutrany dziaržaŭny doŭh Biełarusi za luty 2011 hodu pavialičyŭsia na 4,3% i skłaŭ na pačatak sakavika 9,707 tryljona biełaruskich rubloŭ (kala 3,2 miljarda dalaraŭ).
Raniej Biełaruś źviarnułasia da ŭrada RF pa kredyt pamieram 1 miljard dalaraŭ i da antykryzisnaha fondu JeŭrAzES pa kredyt pamieram 2 miljardy dalaraŭ.
Nacbank Biełarusi čakaje atrymańnia kredytu ŭ krasaviku sioleta.