Za Siarhieja Rumasa prahałasavali adzinahałosna

Vice-premjer Rumas — novy staršynia fiederacyi futboła

22.04.2011 / 16:30

Siońnia ŭ Minsku ŭ Domie futboła prajšła čarhovaja spravazdačna-vybarčaja kanfierencyja Biełaruskaj fiederacyi futboła. Hałoŭnaj paviestkaj dnia źjaŭlalisia vybary novaha staršyni.

Zrešty, asablivaj intryhi tut nie było. Adzinym kandydatam na hetaja kresła byŭ vice-premjer Siarhiej Rumas. Były staršynia Hienadź Niavyhłas vyrašyŭ pakinuć pasadu. Jak sam rastłumačyŭ, adnoj z pryčyn stałasia jahonaje viartańnie ŭ śpis nieŭjaznych u krainy Jeŭrasajuza.

U vyniku Rumas byŭ abrany adzinahałosna. Za jaho prahałasavaŭ 81 delehat.

Tych, chto byŭ suprać ci ŭstrymaŭsia — nie było. Rumas staŭ čacviortym staršyniom BFF. I trecim z administracyjnym resursam.

Tolki pieršym staršyniom byŭ prafiesijanał Jaŭhien Šuntaŭ, staršynia dziaržaŭnaha kamiteta avijacyi Ryhor Fiodaraŭ i kiraŭnik Administracyi prezidenta Hienadź Niavyhłas.

Siarhieju Rumasu 41 hod, jon ź siamji finansistaŭ. Doŭhi čas pracavaŭ u bankaŭskaj sfiery. Uznačalvaŭ «Biełahraprambank». U śniežni byŭ pryznačany na pasadu vice-premjera.

Adzin z pradstaŭnikoŭ rynačnaha kryła va ŭradzie.