Situacyja z płanami ŭviadzieńnia dadatkovaj siesii na valutna-fondavaj biržy zastajecca niavyznačanaj
25.04.2011 / 17:19
Va ŭpraŭleńni infarmacyi Nacyjanalnaha banka 25 krasavika BiełaPAN zajavili, što im nieviadoma adnosna płanaŭ uviadzieńnia dadatkovaj siesii, dzie kurs biełaruskaha rubla budzie farmavacca na asnovie popytu i prapanovy.
Ab płanach urada i Nacbanka ŭvieści na biržy dadatkovaj siesii paviedamiŭ 19 krasavika pieršy namieśnik staršyni praŭleńnia hałoŭnaha banka krainy Mikałaj Łuzhin. Jon nahadaŭ, što takaja praktyka była ŭ Biełarusi ŭ kancy 1990-ch hadoŭ. "Na biržy na asnovie popytu i prapanovy budzie ŭstaloŭvacca kurs pry svabodnaj kupli i prodažy valuty pry paralelnym zachavańni pieršaje, asnoŭnych, tarhoŭ, na jakich ažyćciaŭlajecca prodaž valuty na mety krytyčnaha impartu", - rastłumačyŭ Łuzhin.
Adnak u kancy minułaha tydnia źjaviłasia infarmacyja, što finansavyja ŭłady Biełarusi nie vyznačylisia z terminami i metazhodnaściu ŭviadzieńnia dadatkovych tarhoŭ valutaj.
Nahadajem, na minułym tydni Nacbank źniaŭ abmiežavańni na farmiravańnie kursu biełaruskaha rubla da dalara na pazabiržavym rynku. Až da nazvanaha rašeńnia pazabiržavy kurs nie moh adchilacca ad aficyjnaha bolš čym na 10%. Adnak źniaćcie abmiežavańniaŭ da čakanaha ažyŭleńnia pazabiržavaha rynku nie pryviała.
Niezaležnyja ekanamisty i finansavyja ekśpierty adznačajuć, što takija zachady źjaŭlajucca pałavinistym i ŭradu z Nacbankam varta ŭstaloŭvać adziny kurs na ŭsich siehmientach rynku. Množnaść kursaŭ spryjaje rostu karupcyi i śpiekulacyj.