U Stolinskim rajonie atruciŭsia i pamior 3-hadovy chłopčyk
Baćki pryjšli da dzieda dapamahčy sadzić bulbu.
25.04.2011 / 20:50
Trahiedyja adbyłasia ŭ adnoj ź viosak rajona ranicaj 23 krasavika.
Mužčyna razam z žonkaj i trochhadovym synam pryjšoŭ da svajho baćki, kab dapamahčy pasadzić bulbu. Kali darosłyja zajmalisia pasadkaj, dzicia hulała la doma. Za prysiadzibnym učastkam kala ciaplicy stajaŭ stary chaładzilnik. U jaho nie było dźviarej, i jon vykarystoŭvaŭsia ŭ jakaści palicy.
Tut i stajała litrovaja butelka z vadkaściu, jakuju chłopčyk ŭziaŭ, adkryŭ i ź jakoj trochi adpiŭ.
«Kali małyš staŭ płakać, prybiehli baćki. Jany dali papić jamu vady,
adnak ničoha zrabić užo było nielha. Dzicia pamierła da pryjezdu chutkaj miedycynskaj dapamohi», — raspavioŭ namieśnik prakurora Stolinskaha rajona Fiodar Huzič.
Pavodle słovaŭ dziaduli, vadkaść, jakaja znachodziłasia ŭ butelcy, była srodkam dla apracoŭki ahurkoŭ i jaje kupili kala piaci hadoŭ tamu.
Pa fakcie hibieli dziciaci pravierku pravodzić prakuratura Stolinskaha rajona.
Chłopčyk byŭ adzinym dziciem u siamji. 19 krasavika jamu spoŭniłasia try hady.