Rasija pavialičyć z maja na 7% ekspartnuju pošlinu na naftu i na 44% — na bienzin
29.04.2011 / 10:33
Ekspartnaja pošlina na bienzin z 1 maja vyraście na 44%, da 408,3 dołara za tonu, i składzie 90% ad staŭki pošliny na naftu, jakaja budzie ŭstanoŭlena taksama ŭ mai,
paviedamlaje RIA Novosti sa spasyłkaj na krynicu «ŭ adnym z rasijskich viedamstvaŭ
Mnohija rehijony Rasii ŭ apošnija dni sutyknulisia z tym, što bienzin abo istotna padaražeŭ, abo źnik. Minenierha ličyć, što bienzinavy kryzis źviazany z pavieličeńniem ekspartu naftapraduktaŭ, a taksama z utrymańniem paliva bujnymi kampanijami.
Ekspartnaja pošlina na rasijskuju naftu z 1 maja pavialičycca na 30 dołaraŭ (7%) — da 453,7 dołara za tonu.
Raniej urad RF pryniaŭ pastanovu, u adpaviednaści ź jakoj pošlina na śvietłyja naftapradukty, da jakich adnosicca bienzin, pavinna była skłaści 304 dołary za tonu, tamu ŭ najbližejšyja dni ŭ pastanovu buduć uniesieny źmianieńni.
Heta aznačaje, što Biełaruś pavinna skarekciravać staŭki pošlin u adpaviednaści z rašeńniami rasijskich uładaŭ.