Zavieršana restaŭracyja knihi «Apostał» 1595 hoda ŭ z drukarni Mamoničaŭ

29.04.2011 / 16:55

U Nacyjanalnym histaryčnym muziei zavieršana restaŭracyja knihi «Apostał», nadrukavanaj paśla 1595 hoda ŭ vilenskaj drukarni Mamoničaŭ,
paviedamiŭ viadučy navukovy supracoŭnik muzieja Juraś Łaŭryk.

Falijant pamieram 29,5 sm na 18,5 sm adrestaŭravany na srodki AAT «Biełźniešekanambank», jaki zakupiŭ nieabchodnyja materyjały dla adnaŭleńnia vydańnia, u tym liku śpiecyjalnuju kaštoŭnuju papieru dla zapaŭnieńnia strataŭ i skuru dla pakryćcia apravy. Bolš za hod restaŭracyju ažyćciaŭlaŭ majstar Andrej Krapiŭka z dapamohaj žonki Iryny Zialonaj-Krapiŭki.

Jak paviedamiŭ Łaŭryk, muziej zakupiŭ knihu ŭ pryvatnaj asoby ŭ 2001 hodzie. «My vyrašyli adrestaŭravać mienavita hety ŭnikalny ekzemplar u vielmi paškodžanaj apravie, tym bolš što mamonickija vydańni źjaŭlajucca znakavymi dla biełaruskaj kultury», — adznačyŭ Łaŭryk.

Pavodle jaho słoŭ, hetaje vydańnie «Apostała» zachoŭvajecca ŭ zborach muzieja tolki ŭ adnym ekzemplary. Na siońnia viadomyja jašče try ekzemplary hetaha vydańnia, jakija znachodziacca ŭ Nacyjanalnaj biblijatecy Biełarusi i ŭ Centralnaj navukovaj biblijatecy imia Jakuba Kołasa Nacyjanalnaj akademii navuk Biełarusi, skazaŭ navukovy supracoŭnik muzieja.

Jon paviedamiŭ, što adnoŭleny falijant

z 17 maja zapłanavana demanstravać na vystavie novych pastupleńniaŭ u Nacyjanalnym histaryčnym muziei.

Pavodle jaho słoŭ, zaraz Andrej Krapiŭka zajmajecca adnaŭleńniem bolš rańniaha vydańnia «Apostała», nadrukavanaha biełaruskim i ŭkrainskim pieršadrukarom biełaruskaha pachodžańnia Ivanam Fiodaravym u 1574 hodzie ŭ Lvovie (Ukraina).