Rečyckija pivavary damahlisia svajho

25.05.2011 / 10:57

Trochhadzinny papieradžalny strajk rabočych varačna-bradzilnaha cecha akcyjaniernaha tavarystva «Rečycapiva», jaki adbyŭsia ŭranku 23 maja, mieŭ vynik. Užo viečaram paśla źmieny pivavary zmahli atrymać praz bankamaty premijalnyja — 30% ad akładaŭ. Heta pacvierdzili siońnia dźvie pracaŭnicy varačna-bradzilna cecha.

Jak paviedamlałasia, incydent naśpieŭ napiaredadni vychodnych. Paśla praciahłaha stajańnia ŭ čerhach la bankamataŭ pivavary vyjavili, što premijalnyja za krasavik im nie naličyli. Heta i vyklikała niezadavalnieńnie, pakolki ŭ źviazku z novym biržavym kursam valuty zarobak pivavaraŭ skłaŭ u ekvivalencie nižej za 100 dalaraŭ.

Ułahodžvać situacyju na «Rečycapiva» pryjaždžaŭ namieśnik staršyni rajvykankama Viačasłaŭ Pamalejka. U svaju čarhu dyrektarka pradpryjemstva Natalla Savaścienka zajaŭlała, što nijakaha strajku ŭ cechu nie było, a ŭnutranych pytańniaŭ, maŭlaŭ, chapaje na ŭsich pradpryjemstvach.

Akcyjaniernaje tavarystva «Rečycapiva» naležyć zaraz hałandskaj pivavarnaj kampanii «Heineken» — jana vałodaje 95,4 adsotka statutnaha fondu tavarystva.