Los Paŭła Sieviarynca vyrašycca ciaham miesiaca

Siońnia padadziena kasacyjnaja skarha na rašeńnie Zavodskaha suda Minska.

25.05.2011 / 12:13

Jak paviedamiŭ «Narodnaj Voli» sustaršynia arhkamiteta pa stvareńni partyi «Biełaruskaja chryścijanskaja demakratyja» Pavieł Sieviaryniec, siońnia padadziena kasacyjnaja skarha na rašeńnie Zavodskaha suda Minska, zhodna ź jakim jon asudžany na try hady abmiežavańnia voli ŭ kałonii-pasialeńni.

Nahadajem, Sieviarynca pryznali vinavatym u arhanizacyi i ŭdziele ŭ dziejańniach, jakija hruba parušajuć hramadski paradak.

«Pakul nieviadoma, dzie kankretna ja budu adbyvać hetaje pakarańnie», — skazaŭ Pavieł Sieviaryniec. Heta vyśvietlicca paśla taho, jak budzie razhledžana kasacyjnaja skarha. Termin jaje razhladu — miesiac. Kali pryhavor suda zastaniecca ŭ sile, to tady i budzie vyrašana, kudy mianie nakiroŭvać. Chacia, tearetyčna mahčyma, što prysud budzie admienieny…»