Łukašenka viarnuŭsia

26.05.2011 / 11:28

Zaviaršyŭsia aficyjny vizit Alaksandra Łukašenki ŭ Kazachstan, jon viarnuŭsia ŭ Minsk. Na 26 maja ŭ jaho hrafiku — šerah rabočych sustreč, paviedamlaje aficyjny sajt

Padčas vizitu 24 maja adbylisia pieramovy Łukašenki i prezidenta Kazachstana Nursułtana Nazarbajeva ŭ vuzkim i pašyranym składach, pavodle vynikaŭ jakich była padpisana sumiesnaja zajava kiraŭnikoŭ dziaržaŭ, a taksama šerah dvuchbakovych pahadnieńniaŭ.

«Baki abmierkavali šyrokaje koła pytańniaŭ, jakija majuć uzajemnuju cikavaść, i akreślili kankretnyja kirunki dalejšaha raźvićcia supracoŭnictva pamiž Biełarussiu i Kazachstanam. U pryvatnaści, było abmierkavana supracoŭnictva ŭ takich sfierach, jak naftapierapracoŭka i pastaŭki nafty, pramysłovaja kaapieracyja, stvareńnie sumiesnych pradpryjemstvaŭ, inviestycyi, sielskaja haspadarka, navuka i adukacyja, sfiera vysokich technałohij», — pieradaje pres-słužba.

U druhi dzień vizitu, 25 maja, Łukašenka ŭskłaŭ kvietki da manumienta «Abaroncam Ajčyny», a taksama sustreŭsia z prafiesarska-vykładčyckim składam i studentami Jeŭrazijskaha nacyjanalnaha ŭniviersiteta imia Ł. M. Humilova. Jak paviedamlałasia raniej, na hetaj sustrečy kiraŭnik dziaržavy zrabiŭ šerah zajaŭ, jakija tyčacca apošnich palityčnych i ekanamičnych padziej u Biełarusi.