KDB nie kamientuje mahčymaje zatrymańnie byłoha kiraŭnika BRSM
Pavodle nieaficyjnaj infarmacyi, čynoŭnik byŭ zatrymany ŭ Minsku za atrymańnie chabaru.
27.06.2011 / 23:05
Kamitet dziaržaŭnaj biaśpieki Biełarusi nie kamientuje zatrymańnie śpiecsłužbami adnaho z namieśnikaŭ staršyni Viciebskaha abłvykankama. Pra zatrymańnie stała viadoma ź nieaficyjnych krynic 24 červienia.
«Biez kamientaroŭ», — zajaviŭ BiełaPAN načalnik centra infarmacyi i hramadskich suviaziaŭ KDB Alaksandr Antanovič.
Pavodle nieaficyjnaj infarmacyi, čynoŭnik byŭ zatrymany ŭ Minsku nibyta za atrymańnie chabaru.
Ahienctva ž «Interfaks» pryvodzić imia mierkavanaha zatrymanaha: heta K., były kiraŭnik Biełaruskaha respublikanskaha sajuza moładzi. Ahienctva adznačaje, što ŭ abłvykankamie taksama nie kamientujuć miescaznachodžańnie čynoŭnika, adkazali tolki, što jaho na pracy niamašaka.