Udzielnica Respublikanskaha balu: Łukašenka ŭvieś čas viesialiŭsia i tancavaŭ
29.06.2011 / 16:36
Respublikanski bal vypusknikoŭ nie padobny ni na adno aficyjnaje mierapryjemstva, heta byŭ śviecki raŭt. Tak apisała svaje ŭražańni vypusknica humanitarnaha fakulteta Biełaruskaha dziaržaŭnaha ŭniviersiteta Palina Chońkina.
«Heta było mora emocyj i masa ŭnikalnych mahčymaściaŭ», — pryznałasia Palina. Naprykład, zaprasić na taniec ministra abarony.
Prezidenta zaprašać Palina nie advažyłasia, chacia mahčymaść była.Pavodle jaje słoŭ, «prezident uvieś čas znachodziŭsia z nami ŭ vialikim kole, viesialiŭsia i tancavaŭ».
Palina pryznałasia, što «išła da hetaha mierapryjemstva try apošnija hady, vielmi chacieła siudy trapić, tamu imknułasia stać najlepšaj na fakultecie, zajmałasia navukovaj i hramadskaj dziejnaściu». I nie padmanułasia — uražańniaŭ było bolš, čym čakała.