Urad nie zadavolvajuć tempy raźvićcia naftachimičnaha kompleksu

30.06.2011 / 13:05

zajaviŭ pieršy vice-premjer Biełarusi Uładzimir Siamaška, vystupajučy 30 červienia pierad deputatami abiedźviuch pałat Nacyjanalnaha schodu.

«Urad nie moža zhadzicca z płanami kancerna „Biełnaftachim“ pa dynamicy raźvićcia adnoj z vałaŭtvaralnych i sistemaŭtvaralnych halinaŭ», — skazaŭ Siamaška. Sioletniaja situacyja i ŭmovy pracy haliny, pavodle jaho słoŭ, dazvalajuć zabiaśpiečyć pa vynikach 2011 hoda rost abjomu pramysłovaj vytvorčaści ŭ 109–110%. «Pierš za ŭsio heta biaspošlinnyja pastaŭki nafty z Rasijskaj Fiederacyi ŭ abjomie 21,7 młn. ton», — patłumačyŭ pieršy vice-premjer.

Jon źviarnuŭ uvahu na niedastatkova aktyŭnuju pracu pa realizacyi inviestycyjnych prahram na viadučych pradpryjemstvach naftachimičnaha kompleksu. U pryvatnaści, Siamaška ŭkazaŭ na zryŭ płanaŭ realizacyi inviestycyjnaj prahramy pa raźvićci «Naftana» i Mazyrskaha NPZ. Pavodle słoŭ pieršaha vice-premjera, nieabchodna aktyvizavać realizacyju prahramy raźvićcia «Hrodna Azot» (pa budaŭnictvie azotnaha kompleksu koštam bolš čym 1 młrd. dołaraŭ), a taksama prahramy na zavodzie «Palimir» koštam kala 2 młrd. dołaraŭ. «Jość biźnies-płan, jość techničnaje abhruntavańnie», — padkreśliŭ jon.

Siamaška taksama ŭkazaŭ na «adsutnaść dakładnaha bačańnia stratehii» ŭ kancerna «Biełnaftachim» pa raźvićci pradpryjemstva «Mahiloŭchimvałakno». «Usio heta — rezierv. Liču, što ŭ nas jość patencyjał, kab vypravić situacyju (pa raźvićci naftachimičnaha kompleksu) da konca hoda», — skazaŭ pieršy vice-premjer.

BiełaPAN