Škoła stryptyzu
Eratyčnyja tancy vychodziać za miežy načnych kłubaŭ i robiacca fitnesam dla socień biełarusak. Fotarepartaž Siarhieja Hudzilina.
08.07.2011 / 16:25
Eratyčnyja tancy vychodziać za miežy načnych kłubaŭ i robiacca fitnesam dla socień biełarusak. Fotarepartaž Siarhieja Hudzilina.
Da pačatku zaniatkaŭ stryptyzam dziaŭčyny pierapranajucca ŭ “prafiesijnaje adździeńnie”.
Napačatku – raźminka.
Kiruje hrupaj piersanalny instruktar.
Dobraja raściažka ŭ stryptyzie vielmi nieabchodna.
Lusterki ŭ zali kab lepš ujaŭlać što atrymlivajecca, a što nie.
Instruktar hrupy – Volha.
Instruktar demanstruje elemienty samaha eratyčnaha tanca.
Vopratka – adpaviadaje i tancu.
Karotki tajm-aut.
Instruktar Volha pakazvaje svajo majsterstva.
Zatym padychodzić čarha vučanic.
Uvohule ŭsie vyhladaje niejak tak.
Heta nie akrabatyka, heta – stryptyz.
Parny taniec na piłonie.
Stryptyz – ad anhł. strip — raspranacca i tease — dražnić.
Stryptyz – dla vielmi skaardynavanych ludziej z dobraj raściažkaj.
Ad pačatku 2000-ch u Biełarusi ŭ pryvatnych škołach tancaŭ pačali adkryvacca hrupy eratyčnaha tancu, stryptyzu, stryp-densu i stryp-płastyki.
Takija kursy dla amataraŭ u bolšaj stupieni raspaŭsiudžanyja ŭ słavianskich krainach. Na Zachadzie hetym zajmajucca tolki prafiesijanały — tancorki z načnych kłubaŭ i kabare. Zaniatki tam iduć udzień kali niama naviednikaŭ.
Naviednicy hrupy stryp-densu škoły tancaŭ Queens pahadzilisia na prysutnaść fatohrafa padčas svaich zaniatkaŭ. U hrupie šeść dziaŭčyn. Jany nie prafiesijnyja tancorki stryptyzu. Uzrost — ad 18 da 30, chacia byvajuć takija, što zajmajucca i paśla 40. Čamu mienavita stryptyz? Niechta vučycca tancavać dla svajho kachanaha, chtości choča skarektavać fihuru, a dla niekaha prosty fitnes — heta sumna. Padčas tancu na žerdcy pracujuć usie hrupy myšcaŭ — heta dapamahaje mieć atletyčnaje i pryhožaje cieła. Uvohule stryptyz — taniec dla vielmi skaardynavanych ludziej z dobraj raściažkaj.
Hrupaj kiruje instruktar Volha. Napačatku zaniatkaŭ usio jak u zvyčajnym fitnesie — raźminka i raściažka. Paśla hetaha, pad muzyku, naviednicy adpracoŭvajuć elemienty eratyčnaha tancu. Prafiesijnaja vopratka na zaniatkach stryptyzam — abutak na vysokich abcasach i zručnaje adzieńnie dla fitnesu, niekatoryja detali jakoha pasujuć i da eratyčnaha tancu.
U škołach tancaŭ, što vučać staličnych žančyn stryptyzu, isnuje niekalki ŭzroŭnievych hrup. Zaniatki prachodziać ź instruktarami ŭ hrupach pa 5 — 7 čałaviek — tak praściej sačyć za «adukacyjnym pracesam». Dla tancaŭ vykarystoŭvajucca zvyčajnyja pamiaškańni jak u dziasiatkach fitnes-kłubaŭ. Tolki ŭ ich abaviazkova musić być šost. Jaho prafiesijnaje najmieńnie — piłon. Piłony adroźnivajucca pa dyjamietry — bolš tonkija dla prafiesijnych tancorak, taŭściejšyja — dla amatarak.
Tym časam zaniatki ŭ hrupie padychodziać da tancaŭ na piłonie. Dziaŭčyny ŭ hrupie, jakaja mnie trapiłasia, vielmi spraktykavanyja i nie saromiejucca ich demanstravać svajo majsterstva. Na pytańnie, ci nie žadajuć jany pierajści z «amatarskaj» katehoryi ŭ prafiesijnuju, dziaŭčyny kažuć, što heta zaniatak dla siabie — styl žyćcia. Svojeasablivy styl.
*** Stryptyz
(anhł. strip — raspranacca i tease — dražnić) — eratyčnyja tancy, mastactva vyjaŭleńnia seksualnaści ŭ tancy. Pieršy ŭ śviecie stryptyz byŭ pakazany 9 lutaha 1893 hoda ŭ znakamitym kabare Mulen Ruž, padčas viečaryny zładžanaj paryžskimi studentami. Na scenu vyjšła žančyna pad sceničnym imiem Mona i raspranułasia. Za heta jaje aštrafavali na 100 frankaŭ. Stryptyz moža być jak mužčynski tak i žanočy, taksama isnuje i antystryptyz — kali žančyna pavolna apranajecca pad muzyku. Akramia hetaha jość niekalki vidaŭ eratyčnych tancaŭ blizkich da stryptyzu ŭ kulturach roznych narodaŭ.