Rasieja ŭ lohkim šoku
«Taki padychod nia maje analahaŭ u suśvietnaj praktycy, bo mytam mohuć abkładacca tolki tyja tavary, jakija albo vyrablajucca, albo spažyvajucca na terytoryi krainy, jakaja prymaje rašeńnie pra ŭviadzieńnie myta», — adznačaje Minekanamraźvićcia Rasiejskaj Federacyi.
04.01.2007 / 18:16
U Minekanamraźvićcia Rasiejskaj Federacyi ličać, što ŭviadzieńnie Biełaruśsiu myta na transpartavanuju cieraz krainu rasiejskuju naftu supiarečać isnym pahadnieńniam.
«Hetyja miery pryniatyja biełaruskim bokam biez kansultacyjaŭ z rasiejskim bokam, i, na dumku Minekanamraźvićcia Rasiei, supiarečać isnym miž Rasiejaj i Biełaruśsiu handlova‑ekanamičnym pahadnieńniam», — havorycca ŭ paviedamleńni pres‑słužby MER.
Urad Biełarusi pryniaŭ rašeńnia pra ŭviadzieńnie z 1 studzienia 2007 hodu myta na naftu, transpartavanuju pa naftapravodach krainy — na studzień jana ŭstalavanaja na ŭzroŭni 45 dalaraŭ za tonu nafty.
«Taki padychod nia maje analahaŭ u suśvietnaj praktycy, bo mytam mohuć abkładacca tolki tyja tavary, jakija albo vyrablajucca, albo spažyvajucca na terytoryi krainy, jakaja prymaje rašeńnie pra ŭviadzieńnie myta», — adznačaje ministerstva.
Jano nahadvaje, što ŭ adpaviednaści z pahadnieńniem miž uradami Rasiei j Biełarusi pra svabodny handal ad 13 listapada 1992 hodu kožny bok musić zabiaśpiečvać bieśpieraškodny tranzyt cieraz svaju terytoryju tavaraŭ, jakija pachodziać z mytnaj terytoryi druhoj krainy.
«Minekanamraźvićcia Rasiei raźličvaje na nieadkładnaje atrymańnie ad biełaruskich kalehaŭ infarmacyi pra kankretnyja terminy pryviadzieńnia biełaruskaha zakanadaŭstva ŭ adpaviednaść z najaŭnymi dvuchbakovymi pahadnieńniami. Abmiežavańnie svabody tranzytu moža nehatyŭnym čynam adbicca na realizacyi planaŭ dalejšaj intehracyi miž abiedźviuma krainami, u tym liku planaŭ farmavańnia mytnaha źviazu», — padkreślivajecca ŭ paviedamleńni.
Ilustracyja thomas-tank-engine.com