Вілейка: вынясенне прысуда зноў адклалі
12 ліпеня працягваўся разгляд адміністрацыйнай справы над удзельнікам маўклівай акцыі Дзмітрыем Капцюгом.
12.07.2011 / 17:47
12 ліпеня працягваўся разгляд адміністрацыйнай справы над удзельнікам маўклівай акцыі Дзмітрыем Капцюгом.
Першае судовае пасяджэнне адбылося 7 ліпеня. Але Дзмітрый Капцюг падаў хадайніцтва аб запрашэнні дадатковых сведкаў. Суддзя хадайніцтва задаволіла.
Дзмітрыя затрымалі 6 ліпеня на плошчы Леніна ў Вілейцы. Па словах сведкі Аляксея Сюдака, затрымлівалі шасцёра мінскіх спецназаўцаў у цывільным. На Капцюга склалі пратакол, нібыта ён лаяўся на людзей. І, маўляў, затрымалі яго двое вілейскіх міліцыянтаў. Па словах Аляксея, тых міліцыянтаў увогуле не было побач.
Згодна з пратаколам, Дзмітрыя затрымалі ў 19.15, але ўжо ў 19.08 ён знаходзіўся ў Вілейскім РАУС. Капцюг падаў хадайніцтва аб праглядзе відэа з камер назірання на будынку міліцыі. Судзя Арцімовіч яго задаволіла. Разам з тым суддзя не задаволіла хадайніцтва аб праглядзе відэа, якое здымалі міліцыянты падчас маўклівай акцыі.
Наступнае судовае пасяджэнне адбудзецца 14 ліпеня ў 9.30.